កន្លង​ទៅ​នេះ Canon បាន​ណែនាំ Lens កាមេរ៉ា​ដ៏​ទំនើប​ EF-S55-250 mm F4-5.6IS ដោយ​បាន​បំពាក់​បច្ចេកវិទ្យា​ថ្មី STM ហើយ​ដែល​ក្រុមហ៊ុន​បាន​អះអាង​ថា អាច​ហ៊្សូម​បាន​ឆ្ងាយ និង​ដំណើរការ​ថត​វីដេអូ​បាន​ល្អ។
EF-S55-250 mm F4-5.6IS តម្លៃ​ជាង ២៩២ ដុល្លារ​ ទីផ្សារ​​ស្រុក​ខ្មែរ
Lens កាមេរ៉ា​ដែល​បំពាក់​បច្ចេកវិទ្យា STM ថ្មី​ចុងក្រោយ​ត្រូវ​បាន​ក្រុមហ៊ុន​អះអាង​ថា ប្រើ​កម្លាំង​ចរន្ត​បង្វិល​ក្នុង​ម៉ូទ័រ​ក្នុង Lens ដើម្បី​អាច​វាស់​ចាប់​រូបភាព​បាន​ត្រឹមត្រូវ​តាម​កម្រិត​ពន្លឺ និង​ពុំ​មាន​សំឡេង​រំខាន។ នៅ​ពេល​ដំណើរការ​ជាមួយ​បច្ចេកវិទ្យា​ផ្ដោត​យក​រូបភាព​ហៅ​ថា Dual Pixel CMOS AF និង Hybrid CMOS AF II នោះ Lens EF-S55-250 mm F4-5.6IS STM អាច​ដំណើរការ​ចាប់​រូបភាព​បាន​ច្បាស់ បើ​ទោះ​បី​បង្វែរ​ការ​ថត​ទៅ​ថត​មក នៅ​ពេល​កំពុង​ថត​វីដេអូ​ក៏​ដោយ។
កាន់​តែ​គួរ​ឲ្យ​ចាប់​អារម្មណ៍​ EF-S55-250 mm F4-5.6IS បាន​ដាក់​បញ្ចូល​បច្ចេកវិទ្យា Lens UD និង​មុខងារ​លំនឹង​រូបភាព IS (Image Stabilizer)។ មុខងារ IS នេះ នឹង​ផ្ដល់​ឲ្យ Lens EF-S55-250 mm F4-5.6IS STM នៅ​សមត្ថភាព​ថត​រូប​បាន​ល្អ ក្នុង​ល្បឿន​លឿន 3.5 shutter stops។ សម្រាប់​អ្នក​ដែល​ចូលចិត្ត​ថត​រូប​ឲ្យ​មាន​ភាព​ស្រអាប់ (blur) Lens EF-S55-250 mm F4-5.6IS STM បាន​ដាក់​បង្អួច​ទទួល​ពន្លឺ​មាន ៧ កាំ (7-blade circular aperture) ដែល​មាន​នាទី​ជួយ​ឲ្យ​រូបភាព​និង​ពន្លឺ ដែល​មិន​ស្ថិត​នៅ​ក្នុង​ចំណុច​ផ្ដោត ប្រែ​ជា​ស្រអាប់​រាង​មូល​គួរ​ឲ្យ​ទាក់ទាញ។
ក្រៅ​ពី​នេះ EF-S55-250 mm F4-5.6IS រចនា​ឡើង​មាន​រូបរាង​តូច​ស្រាល(70.0 x111.2មម) និង​ទម្ងន់ (375 ក្រាម) សមស្រប​សម្រាប់​ការ​ប្រើប្រាស់​គ្រប់​ស្ថានភាព។
EF-S55-250 mm F4-5.6IS មាន​លក់​នៅ​លើ​ទីផ្សារ​កម្ពុជា ដោយ​នៅ​ក្រុមហ៊ុន i-Qlick តម្លៃ​លក់​ប្រហែល ២៩២ ដុល្លារ​អាមេរិក។
EF-S55-250 mm F4-5.6IS គួរ​​ឲ្យ​​ចាប់​អារម្មណ៍​ដែរ​ឬ​ទេ?
សូម​បន្ត​អាន៖ iPhone 6 អាចនឹង​បំពាក់​បច្ចេកវិទ្យា​​កាមេរ៉ា​ទំនើប​​ជា​មួយទំហំ 10MP។
សូម​បន្ត​អាន៖ កាមេរ៉ា​មុខ​កំពុង​ដើរ​តួ​​សំខាន់​ជាង​​កាមេរ៉ា​ក្រោយ?
អត្ថបទ៖ ប៊ុណ្ណារ៉ា