March 2014 ~ Sihanoukville , Cambodia

Victory Beach sihanoukville

Cambodia kingdom of wanther

Map in Sihanoukville-cambodia

spcial in Sihanoukville-cambodia

Everyday Sihanoukville

Monday, March 17, 2014

Samsung ចេញ Laptop កាន់ថ្មយូរអស់ស្ទះ សម្បកក្រោយផលិតពីជ័រស្បែកយ៉ាងឡូយ

1:02 AM

Unknown

Samsung ថ្មីៗនេះបានប្រកាសចេញកុំព្យូទ័រយួរដៃស៊េរីថ្មីយ៉ាងទំនើបស្រស់ស្អាត ជាមួយការឌីហ្សាញថ្មីដោយមានសម្បកក្រោយផលិតពីជ័រស្រដៀងស្បែក ដូចដែលកន្លងទៅបានបំពាក់លើ Smart Device របស់ខ្លួនរួចមកហើយ។

អត្ថបទ៖ Samsung ទៅបង្អួតស្ពតពាណិជ្ជកម្ម S5 នៅកម្មវិធី Oscar

ក្រុមហ៊ុនអេឡិចត្រូនិកយក្សកូរ៉េខាងត្បូងនេះ បានច្នៃសម្បកក្រោយលើផលិតផលរបស់ខ្លួន មានដូចជា Galaxy Note 3, Galaxy Grand 2 និងចុងក្រោយគឺ Galaxy S5។ រីឯពេលនេះវិញ ក្រុមហ៊ុនបានឌីហ្សាញស្ទីលសម្បកក្រោយដែលធ្វើពីជ័រស្រដៀងស្បែកយ៉ាងពិសេស ងាយស្រួលកាន់ និងមិនងាយសឹកនេះនៅលើ Laptop ថ្មីថែមទៀត។ Samsung អះអាងថា ATIV Book 9 កាន់ថ្មបានរហូតដល់ទៅ ១២ម៉ោងឯណោះ។

ក្រោមឈ្មោះ ATIV Book 9 នេះជាស៊េរីថ្មីបន្តពី Laptop ATIV Book 8 ដែលក្រុមហ៊ុនបានបញ្ចេញនៅចុងឆ្នាំ២០១៣ កន្លងទៅ។ លក្ខណៈសម្បត្តិផ្សេងៗរបស់ ATIV 9 រួមមាន៖

- អេក្រង់ full HD ទំហំ ១៥,៦អ៊ីញជាមួយកម្រិត resolution ទំហំ 1920 x1080px
- ថ្មកាន់បានដល់ទៅ ១២ម៉ោង
- វិមាត្រ (ប x ទទ x កម្រាស់)៖ (៣៧៤មម x ២៥០មម x ១៧,៥មម)
- ទម្ងន់ ១,៩៥គីឡូ
- ប្រព័ន្ធប្រតិបត្តិការ Windows 8.1
- អង្គប្រតិបត្តិ CPU ប្រភេទ Intel Core i5 ល្បឿនអតិបរមា 2.6GHz
- ក្រាហ្វិក Intel HD Graphics 4400
- RAM ទំហំ 4GB ប្រភេទ DDR3
- ផ្ទុកទិន្នន័យជាមួយ SSD ទំហំ 128GB
- កាមេរ៉ា 720p HD Webcam
- តំណភ្ជាប់៖ LAN, Wireless, Bluetooth v4.0, USB 2.0 ចំនួន១, USB 3.0 ចំនួន២, HDMI ចំនួន១ និង VGA
- 3-in-1 Multi Memory Card Slot (SD/SDHC/SDXC)
- Speaker ចំនួន ១គូធ្វើឱ្យសំឡេងកាន់តែពីរោះ ឮច្បាស់ល្អ

ខណៈពេលនេះ នៅពុំទាន់មានព័ត៌មានពីកាលបរិច្ឆេទ ព្រមទាំងតម្លៃរបស់ ATIV 9 នៅឡើយ។ បើមានព័ត៌មានបន្ថែម Sabay នឹងជូនដំណឹងប្រិយមិត្តភ្លាមៗ៕

វីដេអូ៖

ចុះប្រិយមិត្តយល់យ៉ាងណា ជាមួយលក្ខណៈសម្បត្តិនិងស្ទីលឌីហ្សាញ? តើតម្លៃខ្ទង់ប៉ុន្មានទៅ?

សូមចុចអាន៖ ចង្វាក់ផលិតកម្ម GS5 នឹងយឺតដោយសារភ្លើងឆេះរោងចក្រដៃគូផលិតបន្ទះសៀគ្វីឱ្យ Samsung

ប្រែសម្រួល៖ ឈុន ហួរ
ប្រភព & រូបភាព៖ ultrabooknews

Thursday, March 13, 2014

ទាំងអូតេស និងប្រជាជនខ្មែរ និយាយអីខ្លះពីការបាត់ខ្លួនយន្តហោះម៉ាឡេស៊ី?

1:47 AM

Unknown

ការបាត់ខ្លួននៃយន្តហោះម៉ាឡេស៊ី ប៊ូអ៊ីង 777 មិនត្រឹមតែទាញការចាប់អារម្មណ៍ពីបណ្ដាប្រទេសផ្សេងៗក្នុងសាកលលោកប៉ុណ្ណោះទេ សូម្បីប្រជាជនខ្មែររស់នៅរហូតដល់ចុងកាត់មាត់ញកក៏កំពុងតាមដានព័ត៌មាននេះយ៉ាងសកម្មដែរ។

ជាក់ស្ដែង អ្នកស្រី ម៉េង រ៉ាន់ អាជីវករលក់ដូរនៅចំណតរថយន្តស្គន់ ឯខេត្តកំពង់ចាមឯណោះ ដែលកម្រស្ដាប់ព័ត៌មាន បានបែរមកជជែកគ្នាក្នុងសហគមន៍របស់ខ្លួន អំពីការធ្លាក់នៃយន្តហោះម៉ាឡេស៊ី ប៊ូអ៊ីង 777នេះ ក្រោយពីដឹងដំណឹងនោះតាមកញ្ចក់ទូរទស្សន៍។ អ្នកស្រីថា ឥឡូវនេះ អ្នកស្រីចង់ដឹងថា មានមនុស្សប៉ុន្មាននាក់ស្លាប់។

ចំណែក កញ្ញា អ៊ូ បាណុង អាយុ២៤ឆ្នាំ មន្ត្រីទំនាក់ទំនងសាធារណៈនៃមជ្ឈមណ្ឌលជាតិផ្ដល់ឈាម ក្នុងរាជធានីភ្នំពេញ ដែលធ្លាប់ធ្វើដំណើរតាមយន្តហោះ រាប់ភ្លេច បានដឹងព័ត៌មាននៃការធ្លាក់យន្តហោះនេះយ៉ាងច្បាស់។ ទោះបីយ៉ាងណា កញ្ញាថា ព័ត៌មាននៃការធ្លាក់យន្តហោះនោះមិនអាចរារាំងចិត្តកញ្ញាក្នុងការធ្វើដំណើរតាមយន្តហោះពេលក្រោយទៀតនោះទេ។

បាណុង បញ្ជាក់ថា៖ “វាជារឿងកម្រកើតមានណាស់។ ការធ្វើដំណើរលើគោកទៅវិញទេ ទើបមានគ្រោះថ្នាក់ច្រើន ដូច្នេះខ្ញុំដូចជាមិនភ័យស្លុតអ្វីទេ។ ចំណែកឪពុកម្ដាយខ្ញុំក៏មិនហាមឃាតខ្ញុំក្នុងការជិះយន្តហោះពេលក្រោយដែរ។ ប្រហែលជាគាត់ដឹងច្បាប់ថា វាកម្រនឹងកើតមានណាស់ ករណីធ្លាក់យន្តហោះបែបហ្នឹងនោះ”។

កាលពីវេលាម៉ោង១២ និង៤១នាទីរំលងអធ្រាត្រ ចូលថ្ងៃសៅរ៍ ទី៨មីនាកន្លងទៅ យន្តហោះម៉ាឡេស៊ី ប៊ូអ៊ីង 777 ផ្ទុកអ្នកដំណើរ២៣៩នាក់ ធ្វើដំណើរចេញពីទីក្រុងកូឡាឡាំពួរ ប្រទេសម៉ាឡេស៊ី ឆ្ពោះទៅកាន់ទីក្រុងប៉េកាំង បានបាត់ខ្លួនពីប្រព័ន្ធរ៉ាដាក្នុងរយៈពេល២ម៉ោងបន្ទាប់ពីចាកចេញ។

អូតេសបម្រើការលើយន្តហោះអាកាសចរណ៍ខ្មែរ Cambodia Angkor Air លោក អ៊ុយ នូសិរីមុនី អាយុ៣៣ឆ្នាំ ឲ្យដឹងថា ក្រោយពីដឹងព័ត៌មានការធ្លាក់យន្តហោះនេះ លោកត្រូវបានភរិយាទូរសព្ទទាក់ទងភ្លាមៗ ខណៈយន្តហោះរបស់លោកបានទៅដល់ប្រទេសចិនទៅហើយ។

លោក នូសិរីមុនី ថា៖ “ភរិយាខ្ញុំបានទូរសព្ទទៅខ្ញុំនៅចិនសួរពីសុខទុក្ខ។ ពេលខ្ញុំមកដល់កម្ពុជាវិញ មានការផ្ញើសារសួរសុខទុក្ខពីសាច់ញាតិ និងមិត្តភ័ក្ដិជាច្រើន”។

អ្នកដែលធ្លាប់ឆ្លងកាត់ការបណ្ដុះបណ្ដាលទាក់ទឹងនឹងសុវត្ថិភាពលើយន្តហោះរូបនេះឲ្យដឹងថា តាមការរៀន បើយន្តហោះនោះចុះចតដោយដឹងខ្លួនមុន អ្នកដំណើរនឹងទាញអាវពងមកពាក់។ លោកថាពេលយន្តហោះចុះដល់ទឹក គេនឹងបើកទ្វារឲ្យអ្នកដំណើរសម្រូតខ្លួនមកក្រោមភ្លាម។ កន្លងមក លោកថា ការចុះចតនៅក្នុងទឹកត្រូវបានសង្គ្រោះដោយជោគជ័យ ដូចជានៅសហរដ្ឋអាមេរិក។

ប៉ុន្តែសម្រាប់ករណីយន្តហោះម៉ាឡេស៊ីនេះ គេមិនទាន់ដឹងថា យន្តហោះនោះចុះដោយដឹងខ្លួនមុន ឬត្រូវធ្លាក់ទៅបុកនឹងទឹក ឬយ៉ាងណានោះទេ។ គេត្រូវរង់ចាំរកយន្តហោះនោះឃើញសិន ហើយយកបំណែកវាមកផ្គុំ ដើម្បីរកមើលថា ផ្នែកណាមួយធ្វើឲ្យយន្តហោះនោះជួបឧប្បត្តិហេតុ។ ទន្ទឹមនឹងនោះ លោកថា គេនឹងរកប្រអប់ខ្មៅ ដែលអាចឲ្យគេដឹងច្រើនអំពីសោកនាដកម្មនេះដែរ។

តែទោះបីយ៉ាងណា លោកថ្លែងថា៖ “យើងជាអ្នកធ្វើការលើយន្តហោះមានអារម្មណ៍ស្លុត ប៉ុន្តែមិនមែនការធ្លាក់យន្តហោះនេះធ្វើឲ្យបាត់កម្លាំងចិត្ត លែងចង់ធ្វើការនេះទៀតទេ”៕

អត្ថបទ៖ មាស រ័ត្ន

រូបភាព៖ america.aljazeera & dailymail

Wednesday, March 12, 2014

Tiger Street Football ទៅបាត់ដំបង ខណៈនៅសៀមរាបរកឃើញជើងខ្លាំង

8:48 PM

Unknown

យុទ្ធនាការស្វែងរកជើងខ្លាំងនៃវគ្គជម្រុះតាមតំបន់នៃពានរង្វាន់បាល់ទាត់ក្នុងសាល Tiger Street Football 2014 នឹងធ្វើដំណើរទៅដល់ទីរួមខេត្តបាត់ដំបងនៅចុងសប្ដាហ៍នេះ បន្ទាប់ពីស្វែងរកជើងខ្លាំងនៅខេត្តសៀមរាប រួចរាល់ កាលពីពេលថ្មី។

ការប្រកួតនៅខេត្តសៀមរាបកន្លងទៅ

ការប្រកួតនៅខេត្តបាត់ដំបងនឹងចាប់ផ្ដើមនៅថ្ងៃទី ១៥ និង ១៦ មីនា ឆ្នាំ ២០១៤ ខាងមុខ ដោយស្វែងរកក្រុមខ្លាំងចំនួន ៦ ចេញពីក្រុមចំនួន ៣២ ចូលរួមប្រកួតប្រជែងនៅបរិវេណផ្សារទំនើបបុរីថ្មី។

ចប់ពីខេត្តបាត់ដំបង Tiger Street Football នឹងចេញទៅជ្រើសរើសជើងខ្លាំងនៅខេត្តព្រះសីហនុ នៅថ្ងៃទី ២២ និង ២៣ មីនា និង ជម្រុះនៅរាជធានីភ្នំពេញ នៅថ្ងៃទី ២៨ ដល់ ២៩ មីនា ខាងមុខ។
តាមគណៈកម្មការរៀបចំការប្រកួត ជើងខ្លាំងចំនួន ៦ ក្រុមនៅខេត្តសៀមរាប ដែលនឹងឡើងមកប្រកួតជុំផ្ដាច់ព្រ័ត្រនៅភ្នំពេញមាន៖
១) Garuda FC
២) Victory FC
៣) Victoria FC A
៤) Bayon FC
៥) Baitong Youth
៦) Sofitel Angkor

អត្ថបទ៖ ម៉ឺន រស្មី

Tags: កីឡាបាល់ទាត់ហ្វូតសាលកម្ពុជា

អេម! កាស Sony ស៊េរីថ្មីបំពាក់បច្ចេកវិទ្យាទប់សំឡេងខាងក្រៅ ស្ដាប់ទៅងំតែម្ដង

8:46 PM

Unknown

ដើមឆ្នាំ ២០១៤នេះ ក្រុមហ៊ុន Sony បានបញ្ចេញកាសត្រចៀកថ្មីៗជាច្រើនម៉ូដែលទំនើបៗ ដូចជាស៊េរី MDR-ZX និង MDR-EX ជាដើម។
ក្នុងចំណោមផលិតផលថ្មីទាំងនោះ កាស MDR-ZX750BN គឺជាកាសលំដាប់កំពូលតែម្ដង ដោយសារវាត្រូវបានគេបំពាក់បច្ចេកវិទ្យាទប់សំឡេងពីខាងក្រៅរហូតដល់ទៅ ៩៨% ឯណោះ។ នេះបើតាមការអះអាងបញ្ជាក់ពី Sony។ នេះមានន័យថា អ្នកអាចរីករាយនឹងសំឡេងងំពីរោះរបស់តន្ត្រីសុទ្ធសាធគ្មានការរំខានពីខាងក្រៅតែម្ដង។

កាសទំនើបមួយនេះអាចប្រើប្រាស់ Bluetooth ដើម្បីចាក់បទចម្រៀងស្ដាប់កម្សាន្តបានដោយងាយស្រួល និងមិនប្រើខ្សែ។ បើសិនអ្នកប្រើទូរសព្ទ Sony Xperia នោះកាសនេះអាចតភ្ជាប់ជាមួយនឹងទូរសព្ទដោយប្រើប្រាស់បច្ចេកវិទ្យា NFC។ MDR-ZX750BN ដើរដោយថាមពលថ្មសាកខាងក្នុង។ សាកថ្មមួយលើក អ្នកអាចស្ដាប់ចម្រៀងបានដល់ទៅ ១៣ ម៉ោងឯណោះ។
អានអត្ថបទ៖ មិនគួរឲ្យជឿ! Music Player Speaker ដឹងពីអារម្មណ៍ និងចាក់ភ្លេងតាមអារម្មណ៍មនុស្ស

កាសនេះក៏មានតេឡេបញ្ជា និង microphone ភ្ជាប់ខាងក្នុងផងដែរ។ មានន័យថា អ្នកអាចខលចេញ ឬទទួលការខលចូល ដោយមិនចាំបាច់ចុចលើទូរសព្ទផ្ទាល់ គ្រាន់តែប្រើតេឡេទៅ ជាការស្រេច។
សំឡេងច្បាស់ងំៗ គ្មានសំឡេងរំខានពីក្រៅទៀត តើប្រិយមិត្តចង់បានដែរអត់? តម្លៃលើទីផ្សារ Amazon គឺ ១៥៨ ដុល្លារ ៕
ប្រែសម្រួល៖ សុផាត
ប្រភព៖ sony-asia, amazon

Tags: Gadget, កាស

Monday, March 10, 2014

នេះនែ! កូនប្រុស អេ ភូថង អាយុទើប១៣ឆ្នាំ តែឡើងរេញ៥០ដងហើយ (វីដេអូ)

7:49 PM

Unknown

កីឡាករវ័យក្មេង ម៉ឺន មេឃា ស្ថិតនៅបង្គោលក្រហមគឺជាកូនរបស់អតីតកំពូលអ្នកប្រដាល់ អេ ភូថង បានឡើងប្រកួតនឹងកីឡាករ សូត្រ ខេវិន ស្ថិតនៅបង្គោលខៀវជាកូនបង្កើតលោកគ្រូ គឹម ប៊ុនសូត្រ នៃក្លិបខ្លារខិនមានរិទ្ធិកាលពីថ្ងៃសៅរ៍កន្លងទៅនេះ។

តើ ម៉ឺន មេឃា មានប្រវត្តិប្រកួតបែបណា? តើគេអាចស្នងតំណែងឪពុកបានដែរឬទេ?

ម៉ឺន មេឃា ប្រកួតឈ្នះ ខេវិន កាលពីថ្ងៃសៅរ៍ (រូបថត៖ FB)

ម៉ឺន មេឃា មានឈ្មោះពិត អេ វីរៈខាំឈីតភូថង ជាកូនទី២ក្នុងចំណោមកូនបង្កើតទាំង៤នាក់របស់អធិរាជជង្គង់ទិព្វ អេ ភូថង។ កុមារារូបនេះធ្លាប់ទៅហ្វឹកហាត់ប្រដាល់ក្នុងទឹកដីថៃ កាលរស់នៅខេត្តកោះកុង ហើយចាប់ផ្ដើមឡើងសង្វៀនដំបូង តាំងពីអាយុបាន១០ឆ្នាំមកម្ល៉េះ។ មកទល់ពេលនេះ កីឡាករដែលមានឈ្មោះហៅក្រៅ មេឃ មានប្រវត្តិប្រកួត៥០ដងហើយ ក្នុងនោះឈ្នះដល់ទៅ៤៨ដង មិនដែលស្មើ និងចាញ់តែ២ប្រកួតប៉ុណ្ណោះ ក្នុងនោះផ្ដួលគូប្រកួតឲ្យសន្លប់មិនតិចជាង២០ទេ។

ស្ថិតិប្រកួតនេះ រាប់ទាំងការប្រកួតក្នុងទឹកដីថៃ វាយលក់សំបុត្រតាមខេត្តនានាជិតព្រំដែន ខ្មែរ-ថៃ សង្វៀនទូរទស្សន៍អប្សរា និងសង្វៀនស៊ីធីអិនកាលពីថ្ងៃសៅរ៍នេះ។ យុវជនវ័យ១៣ឆ្នាំខាងលើ ត្រូវបានគេប្រាប់ឲ្យដឹងថា ពូកែលេងផ្លែកែងនិងជង្គង់ រីឯទម្ងន់ជើងទាត់សន្ធាប់របស់គេ ធ្ងន់មិនចាញ់ឪពុកប៉ុន្មានឡើយ។

លោកស្រី សឹង សុម៉ាលី ម្ដាយបង្កើតរបស់ មេឃា ធ្លាប់ឲ្យ Sabay ដឹងថា កូនទាំង៤នាក់របស់គាត់ សុទ្ធតែហាត់ប្រដាល់ទាំងអស់ ហើយកូនពៅឈ្មោះ ថៃសាន់ ភូថង ដែលមានអាយុទើប៥ឆ្នាំបាននិយាយប្រាប់ឪពុកខ្លួនថា នៅពេលគេធំឡើង នឹងឡើងរេញប្រកួតដណ្ដើមខ្សែក្រវាត់ឲ្យបាន៨ខ្សែ ដើម្បីតបស្នងឪពុករបស់ខ្លួន៕

វីដេអូការប្រកួតរវាង ម៉ឺន មេឃា vs សូត្រ ខេវិន កាលពីថ្ងៃសៅរ៍

អត្ថបទ៖ រស់ កាណាល់

Tags: កីឡាប្រដាល់ជាតិ

មតិ ទៅកាន់ “នេះនែ! កូនប្រុស អេ ភូថង អាយុទើប១៣ឆ្នាំ តែឡើងរេញ៥០ដងហើយ (វីដេអូ)”

ផ្ទឹមម្ដង ៣ស៊េរីពី MWC តើ GS5, G Pro 2 និង Xperia Z2 មួយណាស្ថិតក្នុងបេះដូងអ្នក?

7:47 PM

Unknown

ស្របពេលដែលផលិតផលបច្ចេកវិទ្យា Smartphone ទំនើបៗលំដាប់កំពូលចេញព្រោងព្រាតនៅក្នុងសមាជ MWC 2014 ប៉ុន្មានថ្ងៃមកនេះ ប្រហែលប្រិយមិត្តជាច្រើនសុទ្ធតែមានការពិបាកសម្រេចចិត្តជ្រើសរើសមួយក្នុងចំណោមស៊េរីថ្មីៗទាំងនោះមិនខាន។ ដូច្នេះ ទំព័រនេះ Sabay សូមលើកយក Galaxy S5, LG G Pro 2 និង Sony Xperia Z2មកធ្វើការប្រៀបធៀបលក្ខណៈសម្បត្តិគ្នា ចាំមើលថាតើ មួយណាអ្នកពេញចិត្តជាងគេ?

ដូចប្រិយមិត្តបានស្គាល់លក្ខណៈសម្បត្តិសំខាន់ៗរបស់ Smartphone ទាំង ៣ខាងលើរួចមកហើយ ចំពោះចំណុចខ្លាំងនិងថ្មីរបស់ Galaxy S5 រួមមាន៖ កាមេរ៉ាធំជាងមុនរួមជាមួយបច្ចេកវិទ្យាចុងក្រោយថតវីដេអូ 4K resolution បច្ចេកវិទ្យាស្កេនក្រយៅដៃ មុខងារវាស់ចង្វាក់បេះដូង និងមិនចូលទឹកជាដើម។ រីឯ LG G Pro 2 ដែលជាជំនាន់ថ្មីបន្ទាប់ពី G Pro វិញមានចំណុចខ្លាំងត្រង់មុខងារដោះសោពិសេស Knock feature ដោយគោះ២ដងលើអេក្រង់ បច្ចេកវិទ្យាកាមេរ៉ា Ultra HD ថតវីដេអូ 4K resolution មានរាងឡូយស្អាតទាន់សម័យ។

ចំណែក Xperia Z2 ក៏អស់ទាស់ដែរ វីដេអូ 4K ដូច G Pro 2 និង GS5 ដែរ តែលើសបច្ចេកវិទ្យាមិនចូលទឹក និងបច្ចេកវិទ្យាអេក្រង់កាន់តែទំនើបជាងជំនាន់ Xperia មុនៗគឺ Triluminous IPS ស្មើនឹងបច្ចេកវិទ្យា Bravia ដែលបំពាក់លើទូរទស្សន៍របស់ Sony សព្វថ្ងៃ។

កុំឱ្យខាតពេល តោះនាំគ្នាផ្ទៀងផ្ទាត់លក្ខណៈសម្បត្តិកំពូលទូរសព្ទទាំង ៣ នេះដូចខាងក្រោម៖

លក្ខណៈសម្បត្តិ	Galaxy S5	LG G Pro 2	Xperia Z2
ប្រភេទអេក្រង់/ទំហំ/resolution	Super AMOLED ទំហំ ៥,១អ៊ីញ (1080 x1920px)	True IPS+ LCD ទំហំ ៥,៩អ៊ីញ (1080 x1920px)	IPS LCD ទំហំ ៥,២អ៊ីញ(1080 x1920px)
បច្ចេកវិទ្យាអេក្រង់	- Corning Gorilla Glass 3 - TouchWiz UI	- Corning Gorilla Glass 3 - LG Optimus UI	- Triluminous display - X-Reality Engine - មិនចេះឆ្កូត ស្វិត មាំ មិនងាយបែកបាក់
ដង់ស៊ីតេភិចហ្សែល	432ppi	373ppi	424ppi
កាមេរ៉ាក្រោយ & resolution	16MB ថតរូបបាន 5312 x2988px និងវីដេអូ 4K 2160p@30fps និងកម្រិត 1080p@60fps	13MP ថតរូបបាន 4208 x3120px និងវីដេអូ 4K 2160p@30fps, 1080p@60fpsនិង720p@120fps	20.7MP ថតវីដេអូ 4Kបាន 2160p@30fps, 1080p@60fps និង720@120fps
កាមេរ៉ាមុខ & resolution	2MP ថតវីដេអូបាន1080p@30fps	2.1MP ថតវីដេអូបាន1080p@30fps	2.2MP ថតវីដេអូបាន1080p@30fps
បច្ចេកវិទ្យាកាមេរ៉ា	- Dual Shot - Simultaneous HD video and image recording, - geo-tagging - image and video stabilization - HDR	- geo-tagging - optical image stabilization - panorama - HDR	- geo-taggin - image stabilization - panorama - HDR
ប្រព័ន្ធប្រតិបត្តិការ	Android 4.4.2 KitKat	Android 4.4.2 KitKat	Android 4.4.2 KitKat
អង្គប្រតិបត្តិ (CPU)	Quad-core 2.5GHz Krait 400	Quad-core 2.26GHz Krait 400	Quad-core 2.3GHz Krait 400
អង្គចងចាំ (RAM)	2GB	3GB	3GB
Memory ម៉ាស៊ីន	16GB/32GB	16GB/32GB	16GB
Memory បន្ថែមក្រៅ	MicroSD ដល់ 128GB	MicroSD ដល់ 64GB	MicroSD ដល់ 64GB
ប្រព័ន្ធបណ្ដាញ	2G/3G/4G	2G/3G/4G	2G/3G/4G
ប្រភេទស៊ីម	Nano-SIM	Micro-SIM	Micro-SIM
តំណភ្ជាប់	Wi-Fi 802.11 a/b/g/n/ac, Wi-Fi Direct, Wi-Fi hotspot, Bluetooth v4.0, NFC, Infrared port, microUSB v3.0	Wi-Fi 802.11 a/b/g/n/ac, Wi-Fi Direct, Wi-Fi hotspot, Bluetooth v4.0, NFC, Infrared port, microUSB v2.0	Wi-Fo 802.11 a/b/g/n/ac, Wi-Fi Direct, Wi-Fi hotspot, Bluetooth v4.0, NFC, microUSB v2.0
មុខងារស្កេនក្រយៅដៃ	មាន	គ្មាន	គ្មាន
មុខងារមិនចូលទឹក	ធន់នឹងជម្រៅ ១ម៉ែត្របាន ៣០នាទី	គ្មាន	ធន់នឹងជម្រៅ លើស ១ម៉ែត្របាន ៣០នាទី
មុខងារផ្សេងៗ	- សាកថ្មឥតខ្សែ(Wireless charging) - មុខងារបញ្ជាដោយសំឡេង - Smart stay, Smart pause, Smart scroll - Air gestures - Dropbox ឥតគិតថ្លៃ50GB
វិមាត្រ(ប x ទទ x កម្រាស់)	១៤២មម x ៧២,៥មម x៨,១មម	១៥៧,៩មម x៨១,៩មម x ៨,៣មម	១៤៦,៨មម x៧៣,៣មម x ៨,២មម
ទម្ងន់	១៤៥ក្រាម	១៧២ក្រាម	១៦៣ក្រាម
វត្ថុធាតុផ្សំរបស់តួ	ប្លាស្ទិក	ប្លាស្ទិក	អាលុយមីញ៉ូម
ប្រភេទថ្ម និងថាមពល	Li-Ion 2800mAh	Li-Ion 3200mAh	ជាប់ម៉ាស៊ីន Li-Ion 3200mAh
ពណ៌	ខ្មៅ ស ខៀវ និងមាស	ទីតាញ៉ូម ស និងប្រាក់	ខ្មៅ ស ខៀវ ស្វាយ
កាលបរិច្ឆេទប្រកាស	ខែកុម្ភៈ ឆ្នាំ២០១៤	ខែកុម្ភៈ ឆ្នាំ២០១៤	ខែកុម្ភៈ ឆ្នាំ២០១៤
កាលបរិច្ឆេទរំពឹងចេញលក់	អំឡុងខែមេសា ឆ្នាំ២០១៤	អំឡុងខែមេសា ឆ្នាំ២០១៤	អំឡុងខែមីនា ឆ្នាំ២០១៤
តម្លៃប្រហាក់ប្រហែល	ចន្លោះពី៩២០-១០០០ដុល្លារ	ពុំទាន់មានព័ត៌មាន	១០០០ដុល្លារ

សង្កេតឃើញក្នុងចំណោម Smartphone ទាំង៣ ខាងលើ Galaxy S5 មាន RAM តូចជាងគេគឺតែ 2GB ខណៈ G Pro 2 និង Xperia Z2 មាន RAM 3GB។ ចំណែក G Pro 2 គ្មានបច្ចេកវិទ្យាមិនចូលទឹក ខណៈ GS5 និង Xperia Z2 មាន។ រីឯបច្ចេកវិទ្យាសាកថ្មឥតខ្សែមានតែ GS5 ទេទើបមាន។ ចំពោះតួទូរសព្ទដែលរឹងមាំជាងគេគឺ Xperia Z2 ព្រោះផលិតពីអាលុញមីញ៉ូមខណៈដែល G Pro 2 និង GS5 ផលិតពីប្លាស្ទិក។

រូប Galaxy S5៖

អត្ថបទ៖ Galaxy S5 ចេញផ្លូវការយប់មិញជាមួយលក្ខណៈសម្បត្តិអស្ចារ្យជាច្រើន

រូប LG G Pro 2៖

អត្ថបទ៖ កំពូលទូរសព្ទទាយាទថ្មី G Pro 2 របស់ LG ចេញផ្លូវការយ៉ាងឡូយ

រូប Sony Xperia Z2៖

អត្ថបទ៖ Sony ចេញម្ដង ៣សុទ្ធតែអស់ទាស់នៅ MWC ថ្ងៃនេះ

វីដេអូប្រៀបធៀប Smartphone ទាំង ៣៖

យ៉ាងម៉េចហើយ បន្ទាប់ពីបានស្វែងយល់លក្ខណៈ សម្បត្តិលើកំពូល Smartphone ទាំង៣ ខាងលើតើប្រិយមិត្តរើសបានមួយជាម្ចាស់ចិត្តហើយឬនៅ?

សូមចុចអាន៖ iPad Air និង Surface Pro 2 សុទ្ធតែសាហាវ បើប៉ះគ្នាមួយណារបួស?

បន្តស្វែងយល់ផលិតផលបច្ចេកវិទ្យាដទៃទៀត សូម ចុចត្រង់នេះ …

ដោយ៖ ឈុន ហួរ
ប្រភព៖ gsmarena, phonearena

អស្ចារ្យ! នៅពេលទូរស័ព្ទ ចូលទឹក អ្នកមិនចាំបាច់ ព្រួយទៀតទេ!

7:30 PM

Unknown

ជាធម្មតា គ្រាន់តែទឹកចូល ក្នុងទូរស័ព្ទបន្តិចនោះ វានឹងអាចធ្វើ អោយទូរស័ព្ទរបស់អ្នកខូច តែកុំបារម្ភអី DryWired អាចជួយក្នុង បញ្ហានេះបាន។

ថ្វីត្បិតតែទូរស័ព្ទ សេរីថ្មីដូចជា Sony Z2 និង Samsung Galaxy S5 ត្រូវបានប្រកាសថា មានការច្នៃឡើង ដោយអាចប្រឆាំងនឹងការជ្រាបទឹក បានក៏ដោយ តែមិនប្រាកដថា ទូរស័ព្ទគ្រប់ម៉ូត គ្រប់សេរីសុទ្ធតែ អាចមានសមត្ថភាព ទប់ទល់នឹងការជ្រាបទឹកបាននោះទេ។

ក្រុមហ៊ុន Nebula systems បានដាក់បង្ហាញពី ឧបករណ៍សម្រាប់ជួយ បង្កើតធាតុការពារ និង ធ្វើអោយទូរស័ព្ទស្ងួត នៅពេលដែល ពួកវាមានទឹក ជ្រាបចូល។ ដោយគ្រាន់តែ ដាក់ទូរស័ព្ទអ្នកចូល ក្នុងឧបករណ៍នោះ ដែលមើលទៅដូចជាម៉ាស៊ីនលាងចាន រួចវានឹងបាញ់ សារធាតុផ្សេងៗដូចជា nanocating ជាដើម ចូលទៅក្នុង ទូរស័ព្ទរបស់អ្នក។

ក្រោយពេលដែល ដាក់ចូលក្នុងឧបករណ៍ នោះរួចហើយ ទូរស័ព្ទដែលត្រូវបានទឹកជ្រាបចូលហើយនោះ បែរជាមើលទៅដូចជាទូរស័ព្ទល្អ មួយដែលមិនទាន់ ប៉ះទឹកអញ្ចឹង ពិតជាអស្ចារ្យមែន។

តែសូមចងចាំផងដែរថា ឧបករណ៍នេះសម្រាប់ ទប់ទល់នឹងទឹកប៉ុណ្ណោះ មិនមែនអាចរារាំងទឹក បានទាំងស្រុងនោះទេ ដូច្នេះអ្នកមិនអាច ចុះហែលទឹកទាំង ដែលមានទូរស័ព្ទនៅ ក្នុងហោប៉ៅឡើយ។

តើប្រិយមិត្តយល់យ៉ាងណា ប្រសិនបើវាមកដល់ ក្នុងប្រទេសរបស់យើង?

ប្រភព៖ បរទេស

ដោយ៖ Xeno

Monday, March 3, 2014

ធ្វើឱ្យមិត្តអ្នករំភើបក្នុងថ្ងៃខួបកំណើតដោយ ProShow អមដោយបទចម្រៀងយ៉ាងពីរោះ

5:24 PM

Unknown

រាល់ពេលវេលាពិសេសដ៏កម្រជាក់ស្ដែងថ្ងៃខួបកំណើតដែលមួយឆ្នាំមានម្ដង ជឿថាប្រិយមិត្តប្រាកដជាបានផ្ដិតយករូបថតអនុស្សាវរីយដែលមិត្តទាំងឡាយជូនពរដល់ខ្លួន។ ចុះតើឆ្នាំបន្ទាប់ ចង់ធ្វើឱ្យគេភ្ញាក់ផ្អើលទៀតអត់? កុំឱ្យគិតស្មុគស្មាញច្រើន យ៉ាងហោចក៏អ្នកអាចប្រមូលរូបថតទាំងនោះមកបង្កើតជាវីដេអូ Slide-Show យ៉ាងពិសេសជាមួយស្ទីលឡូយៗ អមដោយបទចម្រៀងយ៉ាងពីរោះ សម្រាប់ជូនមិត្តរបស់អ្នកបានដែរ។

ទំព័រនេះ Sabay សូមលើកយកកម្មវិធីឈ្មោះ ProShow ដែលមានជំនាញយ៉ាងខ្លាំងក្នុងការធ្វើរូប Slide-Show មកស្វែងយល់ជាមួយប្រិយមិត្តទាំងអស់គ្នា។ តោះចាប់ផ្ដើមឥឡូវតែម្ដងទៅ៖

ការដំឡើង៖

- សូមដំឡើងកម្មវិធី ProShow ចូលទៅកុំព្យូទ័ររបស់អ្នក តែប្រសិនពុំមាន អាចចុចត្រង់នេះ ដើម្បីទាញយក …

- ក្រោយពេលទាញយករួច សូមពន្លាឯកសារឈ្មោះ Photodex Proshow Producer 5.0.3280.rar ហើយស្វែងរក pspro_50_3280.exe ដើម្បីដំឡើង (រូបខាងក្រោម)

- បើកឯកសារ pspro_50_3280.exe ប្រសិនប្រាប់ឱ្យ update ពុំចាំបាច់ឡើយ ដោយចុចលើប៊តុង No Thanks។ រួចហើយចុច Next → Next → Agree → Next → Install ចុងក្រោយចុចលើប៊ូតុង Finish ជាការស្រេច។ (កម្មវិធីមិនទាន់ full នៅឡើយ)

- ក្រោយពេល Restart កុំព្យូទ័រ សូមបើកឯកសារ Patch.exe នោះផ្ទាំងថ្មីនឹងបើកឡើង ត្រង់នេះ សូមចុចលើប៊ូតុង PATCH IT! រួច EXIT!។ (កម្មវិធី full ហើយ)

ស្វែងយល់ពីកម្មវិធី៖

- ជាដំបូងនេះ សូមបង្ហាញប្រិយមិត្តអំពីការប្រើតាមវិធីងាយៗដែលកម្មវិធីនឹងបង្កើតវីដេអូស្លាយរូបថតទៅតាមស្ទីលផ្សេងៗចាប់ដោយចៃដន្យ (Random) តាម Wizard ដោយចុចលើប៊ូតុង Create ដែលផ្ទាំងនេះនឹងបង្ហាញនៅពេលបើកកម្មវិធីឡើងដំបូង។

- ត្រង់នេះ ត្រូវចុចលើប៊ូតុង Add ដើម្បីបញ្ចូលរូបភាពជាច្រើនបាន ហើយអ្នកអាចជ្រើសរើសខ្លះ ឬជ្រើសរើសចេញពីថតឯកសារ (Folder) តែមួយទាំងអស់ដោយចុច Ctr + A។

- បន្ទាប់មកចុចលើប៊ូតុង Next ហើយចុចលើប៊ូតុង Add ដើម្បីបញ្ចូលឯកសារសំឡេង រួចចុច Next។

- បន្ទាប់មក ជ្រើសរើសប្រភេទ Effects ឱ្យត្រូវនឹងប្រភេទកម្មវិធី។ ឧទាហរណ៍ ធ្វើសម្រាប់ថ្ងៃខួបកំណើត ដូច្នេះគួរជ្រើសរើស Birthday បន្ទាប់មកចុចប៊ូតុង Next។

- ផ្ទាំងថ្មីលេចឡើងដោយមានឱ្យកំណត់ដូចជា៖

- Name Your Show ជាឈ្មោះឯកសារដែលចង់ Save
- Tune the Energy Level មានពីរជម្រើស គឺ Auto និង Custom សូមរើសយក Auto ដើម្បីអាចរយៈពេល slide រូបត្រូវនឹងសាច់បទចម្រៀង។
- Choose an Aspect Ratio មានពីរ គឺ Widescreen និង Standard។ ត្រង់នេះ សូមជ្រើសរើសយក Widescreen។
រួចចុចប៊ូតុង Create ជាការស្រេច។

- ផ្ទាំង ProShow Wizard សម្រាប់ Preview នឹងបើកឡើង ត្រង់នេះ ប្រិយមិត្តអាច Preview មើលថាតើពេញចិត្តនឹងស្ទីល slide-Show បែបនេះហើយឬនៅ បើមិនពេញចិត្តអាចចុចលើប៊ូតុង Try Again តែបើពេញចិត្តសូមចុចលើប៊ូតុង Next រួចជ្រើសរើសយក Publish Your Show ដើម្បី Save ទុកជាប្រភេទវីដេអូផ្សេងគ្នាមានដូចជា៖ វីដេអូសម្រាប់ Youtube, សម្រាប់ Facebook, DVD Disc, Blu-ray និង Video សម្រាប់ Web/Device ជាដើម។ ឧទាហរណ៍ត្រង់នេះ រើសយក YouTube នោះផ្ទាំងថ្មីនេះបើកឡើង ត្រង់នេះមានពីរជម្រើស ដោយអ្នកអាច upload ចូលទៅ Youtube ភ្លាមៗ ឬ Save ទុកលើកុំព្យូទ័រក៏បាន។ ឧទាហរណ៍ រក្សាទុកលើកុំព្យូទ័រដោយចុច Save Vide To My Computer រួចហើយកម្មវិធីនឹងធ្វើការ Render វីដេអូ ចុងក្រោយត្រូវរង់ចាំដល់ render ចប់ជាការស្រេចដោយចុចលើប៊ូតុង OK។

សូមមើលវីដេអូគំរូខាងក្រោម ចាំមើលថាតើពេញចិត្តអាចយកបានហើយឬនៅ៖

ដោយ៖ ឈុន ហួរ

ជា Lens ម៉ាក Nikon កាមេរ៉ាដ៏ថ្លៃបំផុតនៅស្រុកខ្មែរក៏អាចថាបាន

5:22 PM

Unknown

AF VR 80-400mm F/4.5-5.6G ត្រូវបានក្រុមហ៊ុននាំចូលមួយដាក់លក់ក្នុងតម្លៃជាង ៣.០៤៣ ដុល្លារអាមេរិក នៅលើទីផ្សារប្រទេសកម្ពុជា។ ក្នុងតម្លៃជាង ៣.០៤៣ ដុល្លារអាមេរិក ក្រុមហ៊ុននាំចូលនោះបានអះអាងថា ជាតម្លៃខ្ពស់បំផុតហើយសម្រាប់ Lens កាមេរ៉ាម៉ាក Nikon ដែលមានលក់នៅលើទីផ្សារប្រទេសកម្ពុជា។

លោក ដារ៉ា បុគ្គលិកផ្នែកទីផ្សារនៅក្រុមហ៊ុន HGB Trading ជាក្រុមហ៊ុនទទួលសិទ្ធិនាំចូលនិងចែកចាយកាមេរ៉ាម៉ាក Nikon នៅទីផ្សារប្រទេសកម្ពុជាបានឲ្យដឹងថា AF VR 80-400mm F/4.5-5.6G ជា Lens កាមេរ៉ាម៉ាក Nikon ដ៏ថ្លៃបំផុត ដែលក្រុមហ៊ុនរបស់លោកបាននាំចូល និងកំពុងដាក់លក់នៅលើទីផ្សារប្រទេសកម្ពុជា។
“សម្រាប់ AF VR 80-400mm F/4.5-5.6G តម្លៃជាង ៣.០៤៣ ដុល្លារអាមេរិក ជាតម្លៃថ្លៃបំផុតសម្រាប់ Lens កាមេរ៉ាម៉ាក Nikon ដែលកំពុងលក់នៅក្រុមហ៊ុនរបស់លោក”។
យ៉ាងណា បុគ្គលិកដដែលខាងលើនេះបញ្ជាក់ថា នៅហាងដទៃទៀតលោកក៏មិនទាន់ច្បាស់ថា មាន Lens កាមេរ៉ា Nikon ដែលថ្លៃជាងនេះដែរឬយ៉ាងណា ហើយដែលគេនាំចូលក្រៅផ្លូវការ។
ចុះមិត្តអ្នកអានយល់ឃើញបែបណាដែរថា AF VR 80-400mm F/4.5-5.6G ជា Lens ម៉ាក Nikon ដែលថ្លៃជាងគេនៅស្រុកខ្មែរ។
សូមបន្តអាន៖ Nikon បញ្ចេញកាមេរ៉ាស៊េរីចុងក្រោយ ល្បីបំពាក់បច្ចេកវិទ្យាថ្មីមិនធម្មតា។
សូមបន្តអាន៖ រឿងដ៏ឈឺក្បាលដែលអ្នកប្រើ iDevices ត្រូវប្រុងប្រយ័ត្នបំផុត។
អត្ថបទ៖ ប៊ុណ្ណារ៉ា