ក្រោយពីផុតកុងត្រានៅផលិតកម្មសាន់ដេ កាលពីចុងឆ្នាំ២០១៣ តារាចម្រៀងលោក ជុំ លីណូ នៅមិនទាន់បានចុះកុងត្រា
ឡើងវិញនៅឡើយ ថ្មីនេះលោកបែរជាចេញច្រៀងឲ្យផលិតកម្មផ្សេងទៅវិញ។ តើលោក ជុំ លីណូចេញពីសាន់ដេមែនទេ?
កាលពីពេលថ្មីៗនេះ លោក ជុំ លីណូ បានលេចមុខថត MV ឲ្យ “ផលិតកម្មបុប្ផា” ដោយលោកបានច្រៀងឲ្យផលិតកម្មមួយ
នេះ វត្តមានតារាចម្រៀង ជុំ លីណូ បានធ្វើឲ្យទស្សនិកជនសង្ស័យថា លោកអាចដើរចេញពីផលិតកម្មសាន់ដេ ព្រោះ
កន្លងមកលោកមិនធ្លាប់ច្រៀងឲ្យផលិតកម្មផ្សេងឡើយ។
ក្នុងជំនួបជាមួយគេហទំព័រ Sabay តារាចម្រៀងយកក្បាច់រាំ Micker Jackson រូបនេះ បានបញ្ជាក់ឲ្យដឹងថា ការច្រៀងឲ្យ
ផលិតកម្មបុប្ផា កាលពីពេលកន្លងទៅ ក៏ព្រោះតែលោកបានផុតកុងត្រា ជាមួយនឹងផលិតកម្មសាន់ដេហើយ ដូច្នេះលោក
មានសិទ្ធិចេញច្រៀងឲ្យផលិតកម្មផ្សេងបាន ។
លោកបានបន្តថា ទោះបីជាលោកផុតកុងត្រា ជាមួយផលិតកម្មសាន់ដេមែន ប៉ុន្តែមិនមែនមានន័យថា លោកដើរចេញនោះ
ឡើយ បច្ចុប្បន្នលោកនៅតែច្រៀងឲ្យផលិតកម្មមួយនេះដដែល។ តារាចម្រៀងរួបនេះបានឲ្យដឹងទៀតថា ផលិតកម្ម
សាន់ដេ នៅតែធ្វើបទចម្រៀងឲ្យលោកច្រៀងជាបន្តបន្ទាប់ ដោយបច្ចុប្បន្នលោកកំពុងតែត្រៀមចេញបទសម្រាប់រដូវ
ចូលឆ្នាំខ្មែរខាងមុខនេះ។
លោក ជុំ លីណូ បានលើកឡើងថា លោកកំពុងពិចារណា និង រកពេល និយាយពីរឿងចុះកុងត្រាសាជាថ្មីជាមួយផលិតកម្ម
សាន់ដេរ ដោយនៅក្នុងនោះ លោកមានគម្រោងសុំសិទ្ធិពីផលិតកម្ម ទៅច្រៀងឲ្យផលិតកម្មខ្មែរនៅក្រៅប្រទេស ព្រោះ
លោកចង់ប្រលូកជាមួយផលិតកម្មខ្មែរក្រៅប្រទេសបន្ថែមទៀត ក្រែងថ្ងៃក្រោយមានឱកាសបានចេញច្រៀងនៅបរទេស
ម្ដងម្កាលនឹងគេ ។ លោក ជុំ លីណូ មិនរំពឹងថា ផលិតកម្មសាន់ដេអនុញ្ញាត តាមសំណូមពរលោកទាំងស្រុងឡើយ
តែទោះជាយ៉ាងណា លោកប្រាប់ថា និងលើកបញ្ហានេះ មកនិយាយពេលដែលលោកចុះកុងត្រាសាជាថ្មីនោះ ៕
ប្រភពៈ sabay.com
8:21 PM
Unknown
