10:15 PM
Unknown
Trackback
ក្រុម U13 ជម្រើសជាតិកម្ពុជា
ធនធានស្នូលនៃអនាគតបាល់ទាត់កម្ពុជាពិសេស
ការត្រៀមធ្វើជាម្ចាស់ផ្ទះស៊ីហ្គេម២០២៣
ដែលត្រូវបានគេអះអាងថាកំពុងទទួលការបំពាក់បំប៉នការហ្វឹកហាត់
តាមស្តង់ដារ ដោយសហព័ន្ធកីឡាបាល់ទាត់កម្ពុជានៅ
មជ្ឈមណ្ឌលបាល់ទាត់ជាតិបាទី នៅថ្ងៃនេះ
នឹងបើកទ្វាធ្វើការប្រកួតមិត្តភាពដំបូងបង្អស់ តទល់ក្រុម U13
ស្វាយរៀង ចាប់ពីម៉ោង៣រសៀលទៅ។
កាលខែ តុលា ២០១៣ កីឡាករថ្នាលជម្រើសជាតិវ័យក្មេងចំនួន២០នាក់ត្រូវបានចម្រាញ់យ៉ាងយកចិត្តទុកដាក់
ពី គ្រូបង្វឹកជប៉ុននិងអ្នកជំនាញការពី FIFA
ចេញពីក្រុមកុមារសរុបចំនួន១៦៦នាក់ដែលជ្រើសរើសបានពី
ការប្រមូលផ្ដុំដំបូងកាលខែកក្កដា
ដើម្បីហ្វឹកហាត់និងស្នាក់នៅ
នៅមជ្ឈមណ្ឌលបាល់ទាត់ជាតិមួយនោះ។
ក្រុម U13 ជម្រើសជាតិកម្ពុជា (រូបថត៖ FB ផាន សុផាន់ណារ៉ា)
ការជ្រើសរើសកីឡាករថ្នាល២០នាក់នេះ
ជាគម្រោងដំបូងរបស់សហព័ន្ធកីឡាបាល់ទាត់កម្ពុជានិងដៃគូដូចជា
ក្រសួងអប់រំយុវជន និង កីឡា នាយកដ្ឋានកីឡាសិស្សនិងនិស្សិត
នាយកដ្ឋានអប់រំកាយនិងកីឡា គណៈកម្មាធិការជាតិអូឡាំពិកកម្ពុជា
សមាជិកសហព័ន្ធកីឡាបាល់ទាត់កម្ពុជា និង សហព័ន្ធកីឡាបាល់ទាត់អន្តរជាតិ
សម្រាប់រយៈពេល៤ឆ្នាំដំបូង។ មានន័យថា
យ៉ាងហោចណាស់នៅក្រោយ៤ឆ្នាំបន្ទាប់ទំនង
សហព័ន្ធកីឡាបាល់ទាត់កម្ពុជា
ទំនងនឹងរៀបចំគម្រោងចម្រាញ់រកថ្នាលទៀត៕
អត្ថបទ៖ ប៉ែន សុផាន់ណា
Posted in
0 comments :
Post a Comment