February 2014 ~ Sihanoukville , Cambodia

Victory Beach sihanoukville

Cambodia kingdom of wanther

Map in Sihanoukville-cambodia

spcial in Sihanoukville-cambodia

Everyday Sihanoukville

Friday, February 28, 2014

“Fast & Furious 7” នឹងចាប់ផ្ដើមថតបន្តនៅខែមេសា ក្រោយការស្លាប់របស់ Paul Walker

5:44 AM

Unknown

បន្ទាប់ពីផ្អាកថតមួយរយៈធំដោយសារការស្លាប់របស់ Paul Walker ខ្សែភាពយន្ត “Fast & Furious 7” នឹងត្រូវរៀបចំថតជាបន្តទៀតហើយ ដោយមានការកែសម្រួលសាច់រឿងខ្លះៗផងដែរ។

តាមរយៈប្រភពផ្ទៃក្នុងមួយបានប្រាប់គេហទំព័រ Hollywood Reporter ថា ផលិតកម្ម Universal នឹងចាប់ផ្ដើមការថតខ្សែភាពយន្ត action នេះជាបន្តទៀត នៅថ្ងៃទី១ ខែមេសា ដូច្នេះអ្នកដឹកនាំរឿងលោក James Wan អាចនៅសល់ពេលប្រហែលជាមួយឆ្នាំទៀតមុន នឹងខ្សែភាពយន្តនេះត្រូវចាក់បញ្ចាំងនៅតាមរោងភាពយន្ត នៅថ្ងៃទី១០ ខែមេសា ឆ្នាំ២០១៥។

អានអត្ថបទ៖ ឈុតសំខាន់ៗរឿងចុងក្រោយរបស់ Paul Walker មិនបានមើលច្បាស់ជាស្ដាយ

ឈុតដែលនៅសេសសល់នឹងអាចចំណាយការថតរយៈពេលពី ៦ទៅ៨សប្ដាហ៍ បើយោងតាមប្រភពពាក់ព័ន្ធមួយនេះ។ តួអង្គ និងក្រុមការងារទាំងអស់ នឹងត្រូវត្រលប់មកជុំគ្នាវិញនៅទីក្រុង Atlanta ដែលជាទីតាំងថតខ្សែភាពយន្តជាបន្ត។

Fast 7 ត្រូវឈប់ថតពាក់កណ្ដាលទីនៅពេលដែល Walker បានស្លាប់ដោយសារការផ្ទុះរថយន្តនៅ ទីក្រុង Valencia រដ្ឋ California កាលពីចុងខែវិច្ឆិកា ឆ្នាំ២១៣ ដែលតម្រូវឲ្យកាលបរិច្ឆេទនៃការចេញបញ្ចាំងត្រូវពន្យារពេល ហើយអ្នកនិពន្ធរឿង លោក Chris Morgan និងខាងផលិតកម្មត្រូវពិនិត្យមើលឡើងវិញចំពោះឈុតឆាកដែលបានថតរួច និងកែសម្រួលសាច់រឿងខ្លះៗ។

បើតាមប្រភពដដែលនោះពួកគេជឿជាក់ថា តួអង្គដែល Walker សម្ដែងនោះ អាចនឹងរៀបចំឲ្យចូលនិវត្តន៍ជាជាងសម្លាប់។ ទោះយ៉ាងណាខាងផលិតកម្ម Universal បដិសេធមិនធ្វើការឆ្លើយតបពីរឿងនេះទេ ។

អានអត្ថបទ៖ តួឯកជំនួស Paul Walker ក្នុងរឿង “Fast and Furious 7” អាចជាប្អូនប្រុសបង្កើត?

ឈុតឆាកដែល Paul Walker បានសម្ដែងក្នុងរឿង Fast & Furious 6 មុនពេលស្លាប់៖

ប្រែសម្រួល៖ វ៉ាន់ថន
ប្រភព៖ hollywoodreporter

Tuesday, February 25, 2014

មានអ្នកលួចរំភើបក្នុងចិត្តពេលឮទាយាទជំនាន់ក្រោយ iPhone អេក្រង់ធំជាងមុន

7:18 PM

Unknown

ពិតណាស់កន្លងមកមានព័ត៌មានជាច្រើននិយាយពី iPhone ជំនាន់ទី ៨ របស់ Apple ដែលល្បីថានឹងមានការរចនាអេក្រង់កាន់តែធំជាងមុន ដែលធ្វើឲ្យគ្រប់ៗគ្នាមានការចាប់អារម្មណ៍ជាខ្លាំង។ លេចឮព័ត៌មាននេះ មានប្រិយមិត្តអ្នកគាំទ្រមួយចំនួនបានលួចរំភើបក្នុងចិត្តរួចទៅហើយ និងគិតថាបើដូចតាមការចុះផ្សាយមែន ប្រាកដជាល្អជាក់ជាមិនខាន។

អានអត្ថបទ៖ វីដេអូ iPhone 6 ចេញប៉ះរូប concept Galaxy S5 ផ្អើលសាធារណជនមិនសរសើរមិនបាន

សុជាតិ និស្សិតសាកលវិទ្យាន័រតុន ដែលជាអ្នកនិយមលេងស៊េរី iPhone ជាច្រើនជំនាន់បានបង្ហាញការគាំទ្រសម្រាប់ការរចនាអេក្រង់ធំជាងមុនរបស់ iPhone បន្ទាប់ពីឮថាក្រុមហ៊ុន Apple គ្រោងរចនាទាយាទជំនាន់ក្រោយឲ្យកាន់តែប្លែកជាងមុន។

”ជាព័ត៌មានដ៏រីករាយ ហើយខ្ញុំនឹងគាំទ្រពេញទំហឹង សម្រាប់ការរចនាអេក្រង់កាន់តែធំជាងមុនរបស់ iPhone 6 ដែលនឹងធ្វើឲ្យអ្នកប្រើប្រាស់កាន់តែពេញចិត្តក្នុងការប្រើប្រាស់ iPhone និងបន្តការគាំទ្របន្ថែមទៀត”។

ជាច្រើនជំនាន់មកហើយ Apple បានរចនាអេក្រង់ទូរសព្ទរបស់ខ្លួនពី ៣ ទៅ ៤ អ៊ីង ហើយដែលធ្វើឲ្យមានការរិះគន់ពីអ្នកប្រើប្រាស់មួយចំនួន។

លោក ហេង សេងអាន អ្នកជំនួញ និងក៏ជាអ្នកគាំទ្រផលិតផលរបស់ Apple មួយរូបបានប្រាប់ថា ក្រៅពីសំឡឹងលើគុណប្រយោជន៍លើមុខងារប្រើប្រាស់ បើគិតលើអេក្រង់ លោកក៏ចាប់អារម្មណ៍និងឲ្យតម្លៃខ្ពស់ក្នុងការទិញយកទៅប្រើប្រាស់នោះដែរ។

លោកថា កន្លងទៅ ការរចនាអេក្រង់របស់ iPhone តូចពេកពិបាកក្នុងការប្រើប្រាស់ និងធ្វើឲ្យរិះគន់ពីអ្នកប្រើប្រាស់មួយចំនួន។ លោកបន្តថា បើ iPhone 6 បំពាក់អេក្រង់ធំជាងមុន ពិតជាពិសេសខ្លាំងណាស់។ យ៉ាណាលោកនឹងចាំមើល តើទាយាទជំនាន់ក្រោយរបស់ Apple នេះ នឹងអស្ចារ្យដល់កម្រិតណា។

គិតត្រឹម iPhone 4s ចុះក្រោម គ្រប់ស៊េរីទាំងអស់របស់ Apple បំពាក់អេក្រង់ត្រឹមតែ ៣,៥ អ៊ីញប៉ុណ្ណោះ។ ប៉ុន្តែ ឆ្នាំ ២០១២ ក្រុមហ៊ុន Apple បានបង្កើតយុទ្ធសាស្ត្រថ្មីដែលពង្រីកអេក្រង់ iPhone ទៅ ៤ អ៊ីញ បន្ទាប់ពីមើលឃើញពីតម្រូវការរបស់អ្នកប្រើប្រាស់ និងជាពិសេសប្រជាប្រិយភាពផលិតផលរបស់ក្រុមហ៊ុនគូប្រកួតប្រជែង។

លោក សូឡី មេជាងរោងពុម្ពមួយកន្លែងបានឲ្យដឹងថា បើ iPhone 6 មានអេក្រង់ធំមែនលោកគិតថា Apple កាន់តែមានប្រជាប្រិយភាពថែមទៀត។ លោកបានតាមដានព័ត៌មានមួយចំនួនដែលទាក់ទង iPhone 6 លោកសង្ឃឹមនឹងជឿជាក់ថា iPhone 6 ពិតជាមានអេក្រង់ធំជាងជំនាន់មុនៗពិតប្រាកដមែន។

យោងតាមព័ត៌មានអន្តរជាតិមួយចំនួនបានលួចឲ្យដឹងថា ទាយាទជំនាន់ក្រោយរបស់ Apple គឺ iPhone 6 នឹងបំពាក់អេក្រង់ពីរជម្រើសគឺ អេក្រង់ ៤,៥ អ៊ីញ និងអេក្រង់ ៥ អ៊ីញ។ ប៉ុន្តែបើតាមការស្ទាបស្ទង់ក្រៅផ្លូវការមួយរបស់ Sabay បានបង្ហាញថាពលរដ្ឋកម្ពុជាស្រលាញ់ពេញចិត្ត iPhone 6 ដែលមានទំហំ ៥.៥ អ៊ីញ ជាជម្រើសដ៏ប្រសើរសម្រាប់ពួកគេ។ ចុចទីនេះ ដើម្បីមើលការការធ្វើស្ទាបស្ទង់នេះ។

អានអត្ថបទ៖ iPhone 6 ចេញគំរូម៉ាអេមទៀតហើយ។

បន្តអាន៖ ព័ត៌មានផ្សេងៗជុំវិញ iPhone 6។

អត្ថបទ៖ ដារ៉ាឆានី

មានដឹងថា Galaxy S5 ទើបនឹងចេញ មានអ្វីពិសេសខ្លះទេ?

7:01 PM

Unknown

ចំពោះប្រិយមិត្តដែល ទន្ទឹងរង់ចាំទូរស័ព្ទ smartphone របស់ក្រុមហ៊ុន Samsung ជាយូរមកហើយនោះ ពេលនេះបានបង្ហាញខ្លួនហើយ គឺ Galaxy S5 ដែលជាម៉ូដែលថ្មី ទើបតែត្រូវបានចេញ កាលពីថ្ងៃច័ន្ទ កន្លងទៅថ្មីៗនេះ ជាមួយនឹងរូបរាង ដ៏គួរអោយទាក់ទាញតែម្តង។

ហើយចំពោះទូរស័ព្ទមួយនេះ ក៏ត្រូវបានបង្ហើបអោយ ដឹងថា អាចនឹងមានតម្លៃ សមរម្យជាងGalaxy SIII និង Galaxy S IV នៅពេលដាក់លក់។ ហើយវាមានបន្ថែម លក្ខណៈពិសេសថ្មីៗទៀត ទៅលើ Hardware ដូចជា Fingerprint sensor ដើម្បីដោះសោរទូរស័ព្ទ និងបញ្ជាក់ពីការបង់ប្រាក់ តាមទូរស័ព្ទ ព្រមទាំងមានកម្មវិធី ត្រួតពិនិត្យចង្វាក់បេះដូង ទៀតផង និងមាន ការកែច្នៃ កាមេរ៉ាព្រមទាំង processor ផ្សេងៗទៀតអោយ កាន់តែល្អប្រសើរជាងមុន។

Galaxy S5 មានអេក្រង់ធំជាងមុន ដែលមានទំហំ ៥.១អ៊ីញ ហើយថែមទាំងមាន ការច្នៃម៉ូតសារជាថ្មី ទៅលើផ្នែកខាងក្រោយ ជាមួយនឹង ប្រហោងធ្លុះជាច្រើន។ ចំពោះទម្ងន់វិញ Galaxy S5 ធ្ងន់ជាង Galaxy S4 ១៥ក្រាម ហើយថែមទាំងមាន ទំហំធំជាងទៀតផង។

ខាងក្រោមនេះគឺជា តារាងប្រៀបធៀបរវាង លក្ខណៈពិសេសរបស់ Galaxy S5 និង Galaxy S4 ៖

ប្រភព៖ បរទេស

ដោយ៖ Xeno

ខ្មែរឡូត

មានដឹងថា នៅប្រទេសកម្ពុជា មានតំបន់ទេសចរណ៍ល្បីៗ នៅឯណាខ្លះទេ?

6:58 PM

Unknown

ថ្ងៃនេះខ្មែរឡូត នឹងនាំប្រិយមិត្តទៅទស្សនា តំបន់ទេសចរណ៍ដ៏ ល្បីៗប្រចាំប្រទេសកម្ពុជា ដែលជាគោលដៅ ភ្ញៀវអន្តរជាតិមាន បំណងមកលេង ដែលមានទាំង តំបន់ប្រវតិ្តសាស្រ្ត រមណីយដ្ឋានផ្សេងៗជាដើម។ ចង់ដឹងថាតើ តំបន់ទាំងនោះស្ថិតនៅឯណា ខ្លះសូមទស្សនារូបភាពខាងក្រោម៖

១.មកទស្សនាចម្លាក់ បុរាណនៅឯ ប្រាសាទអង្គរ

វាស្ថិតនៅក្នុង ខេត្តសៀមរាបនៃ ប្រទេសកម្ពុជា អង្គរធ្លាប់ជាទីក្រុង សម័យបុរាណហើយ មានភាពរុងរឿងជាខ្លាំង ដែលមានប្រាសាទបុរាណ ជាច្រើននៅទីនោះ ដូចជាប្រាសាទអង្គរវត្ត ដែលជាប្រាសាទដ៏ល្បីល្បាញ ជុំវិញពិភពលោក មានបង្កប់ទៅដោយ ចម្លាក់បុរាណយ៉ាងអស្ចារ្យ។ មិនទាន់អស់នៅឡើយទេ នៅមានប្រាសាទជាច្រើនទៀត ដូចជា ប្រាសាទតាព្រហ្ម, បន្ទាយស្រី ជាដើម។

២.ទស្សនាទិដ្ឋភាព នាទីក្រុងភ្នំពេញ

ភ្នំពេញជាទីក្រុង ដ៏សកម្មគ្រប់វិស័យ ហើយមានកន្លែងកំសាន្ត ជាច្រើនដូចជា សារមន្ទីរជាតិ, ព្រះបរមរាជវាំង, វត្តភ្នំ, ផ្សារធំថ្មី, មាត់ទន្លេ, ព្រមទាំងមានភោជនីយដ្ឋាន ដ៏អស្ចារ្យជាច្រើនទៀត។

៣.រីករាយជាមួយនឹង ធម្មជាតិដ៏ស្ងាត់ជ្រងំ នាបឹងទន្លេសាប

បឹងទន្លេសាបជាបឹង ដ៏អស្ចារ្យក្នុងប្រទេសកម្ពុជា ដែលមានប្រព័ន្ធទឹក ហូរបញ្ច្រាសទៅមក ធ្វើអោយបឹងនេះ ក្លាយជាបឹងដ៏ធំ ជាងគេបំផុត ដែលមានផ្ទុកទៅដោយ ត្រីនិងសត្វបក្សីដែល ជិតផុតពូជ ជាច្រើនប្រភេទ នៅទីនោះ។

៤.ដេកហាលថ្ងៃ នៅឯកោះជាច្រើន ក្នុងព្រះរាជាណាចក្រកម្ពុជា

ប្រសិនបើអ្នក ចូលចិត្តជ្រមុជទឹករាក់ៗ បោះជម្រុំ ដេកហាលថ្ងៃ ក្នុងអាកាសធាតុ តំបន់ត្រូពិច នោះគ្មានកន្លែងណាល្អជាង កោះដែលនៅក្នុង ខេត្តព្រះសីហនុឡើយ ក៏នៅមានកោះជាច្រើនទៀត ក្នុងខេត្តកោះកុងផងដែរ។

៥.ទៅលេង ប្រាសាទព្រះវិហារ

ស្ថិតនៅក្នុងខេត្តព្រះវិហារ ព្រះរាជាណាចក្រ កម្ពុជា។ នៅទីនោះមាន ប្រាសាទដ៏ស្រស់ស្អាតដែល សំកាំងនៅលើកំពូល ច្រាំងចោតដ៏ធំសម្បើម។

៦.ជិះលេងតាម ទន្លេមេគង្គនៅឯ ខេត្តក្រចេះ

ក្រចេះជាខេត្ត ដាច់ស្រយ៉ាលមួយ នៃព្រះរាជាណាចក្រ កម្ពុជា ដែលកាលពីមុន កម្រមានភ្ញៀវទេសចរ ទៅលេងនៅទីនោះ។ តែវាជារមណីយដ្ឋាន ដ៏អស្ចារ្យមួយបែបធម្មជាតិ ហើយយើងក៏អាច ធ្វើដំណើរតាមទឹក ដើម្បីមើលទេសភាព ទន្លេមេគង្គក៏ដូចជា ត្រីផ្សោតដ៏គួរអោយ ចាប់អារម្មណ៍ផងដែរ។

៧.ទៅលេងនៅ ខេត្តព្រះសីហនុ

ខេត្តនេះជាតំបន់ ដ៏ពេញនិយម លំដាប់ទីបីក្នុង ប្រទេសយើង។ ដោយសារតែខេត្តនេះ សំបូរកន្លែងកំសាន្តជាច្រើន សម្រាប់ភ្ញៀវទេសចរកំសាន្ត។ ព្រមទាំងមាន ឆ្នេរខ្សាច់យ៉ាងស្អាត រួមផ្សំនឹងទឹកសមុទ្រ ខៀវស្រងាត់ទៀតផងនោះ បានធ្វើអោយភ្ញៀវទេសចរ ជាច្រើនតែងតែចង់ ទៅលេងនៅទីនោះ ម្តងហើយម្តងទៀត។

៨.ភ្នំជីសូរ ដ៏តូចច្រឡឹង

ភ្នំនេះនៅជិតនឹង ទីក្រុងភ្នំពេញ ហើយមានច្រាំងចោត យ៉ាងព្រឺក្បាលខណៈពេល ដែលយើងធ្វើដំណើរឡើង ទៅលើកំពូលភ្នំ។ តែពេល ដែលទៅដល់ យើងនឹងឃើញទស្សនីយភាព ធម្មជាតិយ៉ាងស្រស់ត្រកាល ដែលដក់ក្នុងអារម្មណ៍ របស់យើងទាំងអស់គ្នា។

៩.ទៅមើលចេតិយ ដ៏គួរអោយស្ញប់ស្ញែង នៅឯ ឧត្តុង្គ

ឧត្តុង្គជាអតីតទីក្រុង របស់ព្រះរាជាណាចក្រ កម្ពុជា។ ហើយក៏ជាតំបន់ប្រវត្តិសាស្រ្ត ដែលពោរពេញទៅដោយ ចេតិយ៍និងប្រាសាទចាស់ៗ ដ៏គួរអោយចង់គយគន់។

១០.ទស្សនីយភាពនៃ សំណង់កាលពីជំនាន់បារាំង នៅឯខេត្ត បាត់ដំបង

បាត់ដំបងជាខេត្តមួយ ដែលសំបូរអគារក៏ ដូចជាសំណង់ចាស់ៗ កាលពីជំនាន់ បារាំងធ្វើជាអាណានិគម។ ហើយដែលសព្វថ្ងៃនេះ សំណង់ទាំងនោះក្លាយ ជាទីចាប់អារម្មណ៍ របស់ភ្ញៀវទេសចរណ៍ជាតិ និងអន្តរជាតិ។

តើប្រិយមិត្តទាំងអស់គ្នា ធ្លាប់បានទៅលេង គ្រប់កន្លែងអស់ ហើយឬនៅ?

ប្រភព៖ បរទេស

ដោយ៖ Xeno

ខ្មែរឡូត

តារាហ្វេសប៊ុក វ៉ៃគ្នានៅកោះពេជ្រ ផ្អើលពេញហ្វេសប៊ុក (មានវីដេអូ)

6:56 PM

Unknown

ភ្នំពេញ៖ ចំពោះអ្នកដែល និយមលេងហ្វេសប៊ុក ប្រាកដជាស្គាល់នូវតារាហ្វេសប៊ុកជាច្រើនរួចមកហើយ ដែលសុទ្ធសឹងជាស្រីស្អាត និងប្រុសស្អាត។ យ៉ាងណាមិញ កាលពីពេលថ្មីៗនេះ យើងបានប្រទះឃើញវីដេអូក្ដៅសាច់មួយ ដែលជាជំលោះរវាងតារាហ្វេសប៊ុក និងតារាហ្វេសប៊ុក វាយគ្នានៅឯមជ្ឈមណ្ឌល មហាសន្និបាតកោះពេជ្រ។

យោងតាមប្រភពព័ត៌មានហ្វេសប៊ុក បានឲ្យដឹងថា ពួកនាងទាំងពីមានឈ្មោះថា Honey Tyty និង Yp Fina។ ម្នាក់ដែលពាក់អាវខ្មៅមានឈ្មោះថា YP Fina និងម្នាក់ទៀតពាក់អាវពណ៌ទឹកក្រូច មានឈ្មោះថា Honey Tyty។ យោងតាមប្រភពវីដេអូ បានឲ្យដឹងថា YP Fina ត្រូវ Honey Tyty វាយគឺដោយសារតែនាងឌឿគេពេក តែចំពោះបញ្ហាពិតប្រាកដនោះ យើងមិនបានដឹងឡើយ។

បើចង់ជ្រាបឲ្យកាន់តែច្បាស់ សូមទស្សនាវីដេអូខាងក្រោមជាមួយគ្នា៖

ប្រភព៖ ហ្វេសប៊ុក

កែសម្រួលដោយ tOmAtO

ខ្មែរឡូត

វយុវតីខ្មែរវ័យក្មេងភ្លើតភ្លើន២នាក់ ប្រតាយប្រតប់គ្នាយ៉ាងចាស់ដៃ នៅកណ្តាលផ្លូវសាធារណៈ (វីដេអូ)

6:55 PM

Unknown

កាលពីពេលថ្មីៗនេះ អ្នកប្រើប្រាស់បណ្តាញសង្គម ហ្វេសប៊ុក នៅក្នុងប្រទេសកម្ពុជា មានការភ្ញាក់ផ្អើល និងហួសចិត្តយ៉ាងខ្លាំង បន្ទាប់ពីបានទស្សនាវីដេអូមួយខ្សែ ដែលបង្ហាញពីសកម្មភាព របស់យុវតី២នាក់ បានវាយតប់គ្នាយ៉ាងចាស់ដៃ នៅកណ្តាលផ្លូវ ដោយមិនគិតក្រែងថា ខ្លួនគឺជាមនុស្សស្រីឡើយ។

បើតាមខ្សែវីដេអូ ដែលត្រូវបានអ្នកប្រើប្រាស់បណ្តាញសង្គម ហ្វេសប៊ុក នៅក្នុងប្រទេសកម្ពុជា នាំគ្នាចែកចាយជាបន្តបន្ទាប់នេះ បានបង្ហាញឲ្យឃើញថា នៅក្នុងហេតុការណ៏ប្រតាយប្រតប់គ្នា នៅកណ្តាលផ្លូវនោះ គឺមានយុវតីចំនួន២ក្រុម មានគ្នាប្រហែល៦-៧នាក់ ប៉ុន្តែមានតែយុវតី ចំនួន២នាក់ប៉ុណ្ណោះ ដែលបានវាយតប់គ្នា រីឯអ្នកដទៃទៀត បានឈរ និងអង្គុយមើល។

នៅក្នុងហេតុការណ៏វាយតប់គ្នានេះដែរ គេសង្កេតឃើញថា យុវតីទាំង២នាក់នោះ ហាក់បានណាត់កន្លែងគ្នា ដើម្បីបញ្ចេញកំហឹងរៀងៗខ្លួនអីចឹង ដែលនេះគឺជាទង្វើមួយ ធ្វើឲ្យអាប់អោនកេត្តិយសយ៉ាងខ្លាំង ចំពោះខ្លួនដែលជានារីភេទ។

ទោះបីជាយ៉ាងណាក៏ដោយ បើតាមការសង្កេតមើល តាមខ្សែវីដេអូនោះ យុវតីទាំងនោះ សុទ្ធតែមានវ័យក្មេងៗ និងកំពុងស្ថិតក្នុងវ័យសិក្សានៅឡើយ ប៉ុន្តែបែរជាភ្លើតភ្លើន សប្បាយភ្លេចខ្លួន មិនខិតខំរៀនសូត្រ មិនជួយការងារឪពុកម្តាយ រហូតឈានដល់ការបង្កជម្លោះ នៅតាមដងផ្លូវសាធារណៈទៅវិញ៕

សូមទស្សនាវីដេអូខាងក្រោម៖

សូមយុវតី យុវនារីទាំងអស់ កុំភ្លើតភ្លើនភ្លេចខ្លួន និងយកតំរាប់តាមឲ្យសោះ

ប្រភព ៖ ហ្វេសប៊ុក

កែសម្រួលដោយ ៖ ប៊ី

ខ្មែរឡូត

វីដេអូ៖ យុវជនស្ទាវ ២ក្រុម មានទាំងស្រី ទាំងប្រុស វាយគ្នា នៅតាមដងផ្លូវ បង្កការភ្ញាក់ផ្អើល ដល់អ្នកដំណើរ (នៅខ្មែរ)

6:46 PM

Unknown

សកម្មភាពរបស់មនុស្ស ២ក្រុម បានបង្កឲ្យមនុស្សម្នា និង អ្នកដំណើរ ជាច្រើន មានការភ្ញាក់ផ្អើល នាំគ្នាចោមរោមឈប់មើល។

អ្នកដំណើរក្នុងរថយន្ត បានប្រទះឃើញនូវហេតុការណ៍ វាយតប់គ្នាមួយ នៅតាមដងផ្លូវ និង បានថតជាវីដេអូឃ្លីប នូវសកម្មភាព របស់មនុស្សទាំងនោះ ដែលមានទាំងស្រី មានទាំងប្រុស បានបង្កភាពចលាចល នៅតាមដងផ្លូវ ជាខ្លាំង។ ពួកគេ បាននាំគ្នា ឈប់ចតម៉ូតូ និង ធ្វើការវាយតប់គ្នាទៅវិញទៅមក ដោយមិនដឹងថា មានជម្លោះក្នុងរឿងអ្វីឡើយ។ យ៉ាងណាមិញ ប្រភពវីដេអូឃ្លីប ដែលត្រូវបានបង្ហោះនៅលើ បណ្តាញសង្គមហ្វេសប៊ុក មិនបានបញ្ជាក់ឲ្យដឹង ពីទីតាំងនៃហេតុការណ៍នេះឡើយ។

សូមប្រិយមិត្ត ទស្សនាវីដេអូឃ្លីបខាងក្រោម៖

ប្រភពវីដេអូពី បណ្តាញសង្គមហ្វេសប៊ុក

ដោយ សី

ខ្មែរឡូត

បន្តមកពិខ្មែឡូត

Monday, February 24, 2014

ក្រុមស្រីស្អាត Power Girls ពិតជាស្រស់ស្អាតដូចគេថាមែន!

7:08 PM

Unknown

គ្រាន់តែនិយាយពី Power Girls ប្រិយមិត្តទាំងអស់ ជាពិសេសអ្នកកម្សាន្ត FireStorm ប្រាកដជាធ្លាប់ឮ និងបានដឹងហើយពីសមត្ថភាពប្រយុទ្ធ ក៏ដូចជាភាពក្លាហានដែលហ៊ានចេញតតាំង ក៏ដូចជាឡើងឆាកប្រកួត FireStorm ជាមួយក្រុមបុរសៗដោយគ្មានខ្លាចរអាបន្តិចឡើយ។
ជាក់ស្ដែង ក្នុងព្រឹត្តិការណ៍ប្រកួតស្វែងរកជើងខ្លាំង AK និង JX ប្រចាំប្រទេសកម្ពុជា CCC Grand Final 2013 ក្រុម Power Girls បានបង្ហាញវត្តមានរបស់ខ្លួននៅលើឆាក ដើម្បីប្រកួតសាកល្បងសមត្ថភាពប្រយុទ្ធ FireStorm ទោះបីជាបានដឹងមុនទៅហើយថា ពួកគេនឹងប៉ះដៃគូប្រយុទ្ធជាបុរសៗក៏ដោយ។ ជាលទ្ធផល Power Girls ទទួលបរាជ័យក្នុងលទ្ធផល ៥ ទល់នឹង ៣។

ទោះជាទទួលបរាជ័យជាច្រើនលើកច្រើនសា ប៉ុន្តែក្រុមស្រីស្អាត Power Girls មិនដែលគិតថាបោះបង់ក្ដីសង្ឃឹមក្នុងការបង្ហាញសមត្ថភាពប្រយុទ្ធរបស់ខ្លួនឡើយ ដោយតែងតែបង្ហាញវត្តមានជារៀងរាល់ការប្រកួតដែលទាក់ទងទៅនឹងសេវាកម្សាន្ត FireStorm នៅតាមបណ្ដាណិតផ្សេងៗរហូតដល់ទទួលបានជ័យជម្នះ ក៏ដូចជាកៅអីប្រកួត NYC 2014 ផងដែរ។
ជាមួយនឹងកៅអីទៅប្រកួតក្នុងព្រឹត្តិការណ៍ NYC 2014 នេះ ក្រុមស្រីស្អាត Power Girls បានក្លាយជាក្រុមនារីដំបូងដែលនឹងបង្ហាញសមត្ថភាពប្រយុទ្ធជាលក្ខណៈផ្លូវការនៅលើឆាកប្រកួត E-Sport។ ចង់ដឹងថាសមត្ថភាពប្រយុទ្ធរបស់ស្រីស្អាតអស្ចារ្យប៉ុណ្ណា កុំភ្លេចគាំទ្រក្រុមនារីឆ្នើម FireStorm ដំបូងគេនៅក្នុងព្រឹត្តិការណ៍ NYC 2014 ខាងមុខនេះណា!

អូ! រវល់តែនិយាយពីសមត្ថភាពប្រយុទ្ធរបស់ក្រុមនារីឆ្នើម ប៊ិះភ្លេចប្រាប់ដល់ប្រិយមិត្តថា ក្រៅពីសមត្ថភាពប្រយុទ្ធសេវាកម្សាន្តអនឡាញ ក្រុមនារីឆ្នើមទាំង ៥ រូប Huni_YongII (ប្រធានក្រុម), Mini_Panda, Im_Gz_Girl, Fire_Fighter និង Belly_D ក៏មានសម្រស់ស្រស់ស្អាតមិនធម្មតាដែរ ដោយទទួលបានការសរសើរមិនដាច់ពីមាត់ពីអ្នកធ្លាប់ឃើញផ្ទាល់។ មិនត្រឹមតែប៉ុណ្ណោះ មានបុរសៗមួយចំនួនក៏ធ្លាប់សារភាពដែរថា ធ្លាប់ចាញ់ការប្រកួតដោយសារតែបែកអារម្មណ៍ជាមួយនឹងសម្រស់ស្រីស្អាត Power Girls ទាំង ៥ រូបផងដែរ។
ចង់ដឹងថា ក្រុមស្រីស្អាតមានសម្រស់ស្អាតដូចគេថាមែនអត់ សាកទស្សនារូបភាពខាងក្រោមនេះបន្តិចទៅ ប្រិយមិត្តនឹងដឹងហើយ៖

Power Girls (@CCC Grand Final)

រាប់ពីឆ្វេងទៅស្ដាំ Belly_D, Huni_YongII (ប្រធានក្រុម) Im_Gz_Girl, FireFighter, Mini_Panda

Mini_Panda (រូបថតពី Power Girls)

Belly_D (រូបថតពី Power Girls)

Wow… ពិតជាស្អាតដូចគេថាមែន! សុំធ្វើជាអ្នកគាំទ្រមួយសិន។ ចុះប្រិយមិត្តវិញគិតម៉េចដែរ? ស្អាតអត់ប៉ុណ្ណឹង?
អត្ថបទ៖ ភីឆាយ

Tags: FireStorm, Power Girls

មតិ ទៅកាន់ “ក្រុមស្រីស្អាត Power Girls ពិតជាស្រស់ស្អាតដូចគេថាមែន!”

« អត្ថបទមុន:ម្ចាស់រង្វាន់កំពូលអ្នកប្រយុទ្ធប្រចាំខែកុម្ភៈបែកធ្លាយគួរឲ្យសង្ស័យ

Windows 8 ប្រើសុខៗលែងស្គាល់ Wireless អស់ តើត្រូវធ្វើម៉េច?

7:02 PM

Unknown

ប្រព័ន្ធប្រតិបត្តិការជំនាន់ថ្មីនេះ ត្រូវបានឌីហ្សាញមាន Interface ស្រស់ស្អាត និងដំណើរការបានល្អជាង Windows 7។ ទោះជាយ៉ាងណា ហាក់នៅមានបញ្ហាខ្លះៗ ជាក់ស្ដែង អ្នកប្រើ Operating System នេះក្នុងប្រទេសកម្ពុជាមួយចំនួន បានជួបបញ្ហា error លើ Wireless គឺមិនអាចស្វែងរក Wireless ដែលនៅជុំវិញបាន។ ផ្លូវដែលអ្នកប្រើនឹកឃើញមុន គឺតម្លើង Windowsថ្មី។ ចុះតើមានវិធីណាឱ្យងាយ និងចំណេញពេលជាងនេះឬទេ?

គន្លឹះ៖ មើលម៉េចដឹងថាកុំព្យ័ទ័រប្រើ VGA ដាច់ឬជាប់ទៅ?

ទំព័រនេះ Sabay សូមបង្ហាញដំណោះស្រាយលើបញ្ហាមិនស្គាល់ Wireless នេះដូចតទៅ៖

- នៅពេល Wireless មានបញ្ហានឹងចេញសញ្ញាដូចរូប៖

- សូមចូលទៅ Computer Management ដោយស្ដាំ mouse លើ Computer រួចរើសយក Manage។

- ត្រង់នេះ សូមចូលទៅ Device Manager (ផ្នែកស្ដាំ) ហើយនៅផ្នែកខាងឆ្វេង សូមលុប (Uninstall) នៅលើឈ្មោះ Wireless Network Adapter របស់អ្នក។ (ឧទាហរណ៍៖ ក្នុងរូបមានឈ្មោះ Qualcomm Atheros AR5B97 Wireless Network Adapter) បន្ទាប់មកចុចលើប៊ូតុង OK និងស្កេន hardware changes នៅលើ Network Adapters ជាការស្រេច។

ចុងក្រោយអ្នកនឹងឃើញ Wireless ដំណើរការដោយស្គាល់ wireless នៅជិតៗជាមិនខាន។

សាកល្បងម្ដងមើល៍ តាមបានផលអត់?

ទីបំផុត Samsung បើកកកាយ mobile OS ថ្មីពិតមែននៅលើ SmartWatch v

7:00 PM

Unknown

ពិតជាលេច mobile OS ថ្មីនៅព្រឹត្តិការណ៍សមាជ MWC 2014 នេះមែន ដោយ Samsung បើកឆាកភ្លាមបង្ហាញនាឡិកាឆ្លាតវៃដំណើរការដោយប្រព័ន្ធប្រតិបត្តិការ Tizen OS មិនមែន Android ដូច Galaxy Gear ជំនាន់មុនឡើយ។
អត្ថបទ៖ iWatch ឆ្នាំ ២០១៤ ចេញជារូបរាងដែរអត់?

Galaxy Gear 2 និង Gear 2 Neo

នាឡិកាថ្មីដែលត្រូវប្រកាសចេញម្ដងពីរម៉ូដែលនៅ MWC នេះ មានឈ្មោះថា Galaxy Gear 2 និង Gear 2 Neo។ មិនត្រឹមតែប្រើ OS ថ្មី Tizen ប៉ុណ្ណោះទេ រីឯមុខងារក៏ត្រូវបាន update កាន់តែពិសេសជាង Galaxy Gear មុនដែលដំណើរការដោយ Android។ រូបរាងកាន់តែស្ដើង និងស្រាលជាងជំនាន់មុន។
រូប Galaxy Gear 2៖

អេក្រង់ Galaxy Gear 2 នៅតែមានរក្សាទំហំដដែលគឺ ១,៦៣អ៊ីញប្រភេទ Super AMOLED ហើយមាន resolution320x320px ចំណែក CPU ត្រូវបានបង្កើនល្បឿនពី dual-core 800MHz ឡើងដល់ 1GHz RAM ទំហំដដែលគឺ512MB ។ កាន់តែពិសេស នាឡិកាជំនាន់ថ្មីនេះ មានបច្ចេកវិទ្យាត្រួតពិនិត្យសុខភាពបេះដូងកាន់តែប្រសើរជាងមុន (health sensor) ហើយមាន Infrared ប្រើសម្រាប់គ្រប់គ្រងសម្ភារៈប្រើប្រាស់ក្នុងផ្ទះបានយ៉ាងងាយស្រួល។ យ៉ាងណាមិញ ចំពោះថាមពលថ្មតូចជាងមុនគឺពី 315mAh មកត្រឹម 300mAh។ រីឯកាមេរ៉ាទំហំ 2MP HD។

រូប Galaxy Gear 2 Neo៖

នាឡិកា Gear ថ្មីនេះ ចែកចេញពី ២ស៊េរីដោយនៅមាន Gear 2 Neo មួយទៀត។ Gear 2 Neo ពុំមានកាមេរ៉ាទេ ហើយស្រាលជាង Galaxy Gear 2 ៥៥ក្រាម។ នាឡិកាទាំងពីរស៊េរីនេះមិនចូលទឹក និងធូលីដីដូចគ្នា។
Samsung បានបញ្ជាក់ថា Gear ស៊េរីថ្មីទាំងពីរនឹងគាំទ្រភ្ជាប់ប្រើជាមួយ Smartphone ត្រកូល Galaxy បានជាច្រើនម៉ូដែល។ កម្មវិធីមានស្រាប់នៅលើនាឡិកាឆ្លាតវៃនេះរួមមាន PayPal, Evernote, Feedly, Path និង Line ជាដើម។ គេរំពឹងថា Gear 2 និង Gear 2 Neo នឹងចេញលក់នៅក្នុងខែមេសាខាងមុខ ឯតម្លៃមិនទាន់ត្រូវបានបញ្ជាក់នៅឡើយ៕
អានអត្ថបទ៖ Qualcomm ចេញ SmartWatch ដេញជើង Galaxy Gear របស់ Samsung
ប្រែសម្រួល៖ ឈុន ហួរ
ប្រភព & រូបភាព៖ thenextweb, gsmarena

Tags: Galaxy Gear 2, Galaxy Gear 2 Neo, Samsung, SmartWatch, ព័ត៌មានជុំវិញ MWC 2014

មតិ ទៅកាន់ “ទីបំផុត Samsung បើកកកាយ mobile OS ថ្មីពិតមែននៅលើ SmartWatch”

« អត្ថបទមុន:ទាន់សម័យមែនទែន វ៉ាលីកម្ដៅអាហារស្រួលយកតាមខ្លួន

អត្ថបទបន្ទាប់:ឥឡូវមានស្មាតហ្វូនរបស់ក្រុមហ៊ុន Orange ទៀត

Saturday, February 22, 2014

Samsung Galaxy Camera 2 មានតម្លៃតែ…$ Trackback ផ្សាយក្នុងផ្នែក ផលិតផលថ្មី ដោយ ly.sophat កាលពី 2 days ago 4 Comment(s)

9:08 PM

Unknown

ក្រុមហ៊ុន Samsung បានប្រកាសកាលពីម្សិលមិញនេះថា កាមេរ៉ា Samsung Galaxy Camera 2 នឹងមានលក់លើទីផ្សារនៅខែមីនា ខាងមុខនេះ បន្ទាប់ត្រូវបានក្រុមហ៊ុន Samsung យកមកដាក់ពិព័រណ៍ក្នុងព្រឹត្តិការណ៍ពិព័រណ៍អេឡិចត្រូនិក CES 2014 កាលពីដើមឆ្នាំកន្លងទៅនេះ។
កាមេរ៉ាជំនាន់ក្រោយស្នងតំណែង Galaxy Camera មួយនេះ នឹងមានតម្លៃ ៤៥០ ដុល្លារ។

អានអត្ថបទ៖ Samsung ចេញជំនាន់ Galaxy Camera 2 បច្ចេកវិទ្យាកាន់តែទំនើប
Galaxy Camera 2 បំពាក់ដោយ sensor 16.3 មេហ្គាភិចសែលជាមួយនឹង BSI, កម្រិតស៊ូម 21x optical zoom, wide angle lens 23 mm និងដំណើរការដោយប្រព័ន្ធប្រតិបត្តិការ Android 4.3 Jelly Bean ។ ក្រៅពីនេះ Galaxy Camera 2 ដើរដោយ quad core 1.6 GHz processor គាំទ្រដោយ RAM 2GB ខណៈដែលអេក្រង់ HD Super Clear Touch LCD មានទំហំ ៤,៨ អ៊ីញ។ ចំណែកអង្គចងចាំវិញ មានបំពាក់ជាស្រេចនៅខាងក្នុងទំហំ 8 GB និងអាចមាន microSD card slot ដែលអាចគាំទ្រដល់ទៅ 64 GB ឯណោះ។
Galaxy Camera ស៊េរីមុន មាន CPU ល្បឿន quad core 1.4 GHz គាំទ្រដោយ RAM តែ 1GB ប៉ុណ្ណោះ ហើយដំណើរការដោយប្រព័ន្ធប្រតិបត្តិការ Android 4.1។ តម្លៃប្រមាណជាជាង ៣០០ ដុល្លារ។

យ៉ាងម៉េចដែរប្រិយមិត្ត ចាប់អារម្មណ៍ដែរអត់?
ដោយ៖ សុផាត
ប្រភព៖ geek-gadgets

Tags: Galaxy Camera 2, ព័ត៌មានបច្ចេកវិទ្យា, ព័ត៌មានពី Samsung

មតិ ទៅកាន់ “Samsung Galaxy Camera 2 មានតម្លៃតែ…$”

4:56 AM

Unknown

ក្រុមហ៊ុនទូរសព្ទជាច្រើនបានអះអាងថា ស្មាតហ្វូនរបស់ខ្លួនជាស្មាតហ្វូនដែលស្ដើងជាងគេបង្អស់ ប៉ុន្តែឥឡូវពួកគេភ្ញាក់ព្រើត ដោយក្រុមហ៊ុនចិនមួយស្ងាត់ៗស្រាប់តែបញ្ចេញស្មាតហ្វូនដែលស្ដើងជាងគេលើលោកពិតប្រាកដនោះ។

អានអត្ថបទ៖ ព័ត៌មានជុំវិញលក្ខណៈសម្បត្តិទាំងឡាយរបស់ Galaxy S5 មុនចេញចុងខែនេះ

Elfie S5.5 របស់ក្រុមហ៊ុន Gionee មានកម្រាស់តែ ៥,៥ មិល្លីម៉ែត្រប៉ុណ្ណោះ អេក្រង់ ៥ អ៊ីញ RAM 2GB ដំណើរការដោយ quad core 1.7 GHz processor ជាមួយនឹងប្រព័ន្ធប្រតិបត្តិការ Amigo Android ។ ចំណែកកាមេរ៉ាមុខមានទំហំ ៥ មេហ្គាភិចសែល ខណៈដែលកាមេរ៉ាក្រោយ ១៣ មេហ្គាភិចសែល។

Elfie S5.5 មានពីរម៉ូដែល គឺ 3G (ប្រហែល ៣៧០ ដុល្លារ) អាចកុម្ម៉ង់ទិញបាន និង 4G LTE ដែលនឹងចេញនៅខែមិថុនា ៕

នាយ គ្រឿន សាងស្នេហ៍ថ្មីក្បត់ប្រពន្ធកូនខ្ចី?

4:54 AM

Unknown

ក្រោយពីសាងកេរ្តិ៍ឈ្មោះល្បីល្បាញក្នុងអាជីពកំប្លែងមិនទាន់បានប៉ុន្មានផង ស្រាប់តែពេលនេះ នាយ គ្រឿន បែកធ្លាយព័ត៌មានមកថា កំពុងមានចំណងស្នេហ៍ថ្មីក្បត់ប្រពន្ធ ដែលកំពុងមើលថែកូនខ្ចី ឯស្រុកកំណើតទៅវិញ។

សូមចុចអាន៖ ថានាយ ពែកមី នាយ គ្រឿនចុះខ្លាំង តែនាយក្រាន់ជាប្អូនឯណេះ ក៏មិនណយដែរ!

ក្នុងជំនួបកាលម្សិលមិញ តារាកំប្លែងស្ងួតរូបនេះ មិនបានបដិសេធចំពោះព័ត៌មានធ្លាយចេញហូរហែពីចំណងស្នេហ៍ក្បត់ចិត្តប្រពន្ធឡើយ ដោយលើកហេតុផលថា មនុស្សប្រុសនៅឆ្ងាយប្រពន្ធតែប៉ុណ្ណឹងឯង តែងតែមាននាយអាយអញ្ចឹងហើយ។ “ខ្ញុំគ្រាន់តែញ៉ែលេងតើ! អត់មានស្នេហាអីទេ ជួបក៏ជួបទៅ មិនជួបក៏អត់ទៅ”។ នាយបញ្ជាក់ដោយខ្លីបែបកំប្លែង។

អានអត្ថបទ ហេតអ្វីនាយ គ្រឿន ឆាប់ល្បី?

នាយ គ្រឿន បង្ហើបឲ្យដឹងបន្ថែមថា មិនមែនមានតែនារីម្នាក់នោះទេ ដែលរូបគេតែងលែបខាយសំដីជាមួយនាពេលកន្លងមក មានច្រើនស្ទើររាប់មិនអស់ទៅហើយ រួមមានទាំងអ្នកនៅភ្នំពេញ និង តាមខេត្តទៀតផង ក្នុងដំណើរចុះទៅសម្ដែងម្ដងៗ។ គ្មានអ្វីជាអាថ៌កំបាំងនោះទេ សម្រាប់មនុស្សប្រុសនោះ ប៉ុន្តែត្រូវដឹងពីតួនាទី និងកាតព្វកិច្ចរបស់ខ្លួនក្នុងនាមជាប្ដី និងជាឪពុករបស់គេ។

“ពេលខ្លះមានអ្នកខលមកលេងសុំរាប់អាន ក៏ភ្លាត់មាត់សួរស្អាតអត់អញ្ចឹងទៅ មិនមែនជាចំណងស្នេហ៍អីនោះទេ”។

នាយ គ្រឿន ជាតារាកំប្លែងកំពុងមានប្រជាប្រិយភាពនៅក្នុងក្រុម និងទទួលបានកាតកោតសរសើរពីមេកោយជាហូរហែចំពោះសមត្ថភាពសម្ដែង។ នាយអះអាងថា មិនបានភ្លេចភរិយាកម្សត់កម្រ ដែលកំពុងមើលថែកូនខ្ចីនៅស្រុកកំណើតនោះទេ គ្រាន់តែជាការលែបខាយសំដី ដើម្បីបង្កើតពាក្យពេចន៍កំប្លែងថ្មីៗប៉ុណ្ណោះ។

អានអត្ថបទ ក្រុមបង្ហាញម៉ូដធំ៣ប៉ះគ្នាយប់មិញ

ទោះបីជាយ៉ាងណា បញ្ហានេះប្រហែលជាធ្វើឲ្យភរិយាអន់ចិត្តមិនខានឡើយ ប្រសិនបើនាងបានដឹង។ ក្រៅពីនេះ នាយកំពុងតែបោកចិត្តស្រីៗ និង យកកទៅលអន្ទាក់ហើយ នាំឲ្យប៉ះពាល់ដល់ប្រជាប្រិយភាពក៏ថាបាន៕

អត្ថបទ៖ សំ ជំនាញ

Friday, February 21, 2014

ពលរដ្ឋជាអ្នកលក់ដូរនៅឆ្នេរសមុទ្រខាងមុខសាលាខេត្តព្រះសីហនុ លើកគ្នាតវ៉ា រឿងក្រុមហ៊ុនស៊ីស្នែក ធ្វើរបងបិទផ្លូវ

5:52 AM

Unknown

ខេត្តព្រះសីហនុ ៖ ក្រុមប្រជាពលរដ្ឋដែលប្រកបរបរលក់ដូរនៅលើឆ្នេរសមុទ្រខាងមុខសាលាខេត្តព្រះសីហនុកាលពីថ្ងៃម្សិលមិញនេះ បាននាំគ្នាធ្វើការតវ៉ាចំពោះក្រុមហ៊ុនស៊ីស្នែក អ៊ិនវេសមិន ដែលបានធ្វើរបងហ៊ុំព័ន្ធកន្លែងលក់ដូររបស់ពួកគាត់ និងបិទផ្លូវចូលទៅកាន់ឆ្នេរសមុទ្រ បន្ទាប់ពីក្រុមហ៊ុននេះទទួលសិទ្ធិកាន់កាប់ពីអជ្ញាធរខេត្តរួចមកនោះ។

អាជីវករម្នាក់បាននិយាយថា ពួកគាត់បានមករស់នៅ និងធ្វើអាជីវកម្មលក់ដូរនៅតាមឆ្នេរសមុទ្រខាងមុខសាលាខេត្តតាំងតែពីឆ្នាំ១៩៧៩មកម្ល៉េះ រហូតដល់ឆ្នាំ២០០៦ ដីតំបន់នេះត្រូវបានអជ្ញាធរក្រុងជំនាក់លោក សាយ ហាក់ ជាអភិបាលក្រុង បានយកដីតំបន់ឆ្នេរនេះប្រគល់ទៅឲ្យក្រុមហ៊ុនរុស្សី ស្នេកហាវ កាន់កាប់គ្រប់គ្រងអភិវឌ្ឈន៍ជាតំបន់ទេសចរណ៍ ដោយកាលនោះពួកគាត់ត្រូវបានអជ្ញាធរក្រុងចែកដីតំបន់ឆ្នេរនោះឲ្យក្នុងមួយគ្រូសារក្បាល៧ម៉ែត្រសម្រាប់សាងសង់តូបលក់ដូរបន្តរហូតមក។ ប៉ុន្តែស្រាប់តែនៅឆ្នាំ២០១៤នេះ ពួកគាត់ត្រូវបានអជ្ញាធរខេត្តបណ្តេញចេញម្តងទៀត ដើម្បីប្រមូលយកដីនោះប្រគល់ឲ្យទៅក្រុមហ៊ុនស៊ីស្នែក អ៊ិនវេសមិន ខូអិលធីឌី។

ជុំវិញករណីនេះ លោក ប្រាប់ ស៊ីហារ៉ា អភិបាលរងខេត្តព្រះសីហនុបានមានប្រសាសន៍ថា ដីតំបន់ឆ្នេរសមុទ្រខាងមុខសាលាខេត្តដែលមានទំហំ១០៧៧០៣ម៉ែត្រការរ៉េ ត្រូវបានប្រគល់ទៅឲ្យក្រុមហ៊ុនស៊ីស្នែក អ៊ិនវេសមិន គ្រប់គ្រង និងអភិវឌ្ឍន៍ជាមជ្ឈមណ្ឌលទេសចរណ៍អន្តរជាតិ ដូចនេះបងប្អូនអាជីវករដែលរស់នៅពាក់ព័ន្ធនឹងដីនោះ ត្រូវតែចាកចេញមិនអាចរស់នៅបន្តទៀតទេឡើយ ដោយអជ្ញាធរមានរៀបចំជាកញ្ចប់ថវិការគោលនយោបាយដោះស្រាយមួយចំនួនផងដែរ។

តែទោះជាយ៉ាងណាក៏ដោយ ក្រុមអាជីវករបានប្រកាន់គោលជំហរថា ពួកគាត់មិនចង់បានលុយដោះស្រាយគោលនយោបាយអ្វីទេ គឺពួកគាត់ចង់បានតែកន្លែងសម្រាប់លក់ដូរបន្តទៀតប៉ុណ្ណោះ។

គួរបញ្ជាក់ផងដែរថា ឆ្នេរសមុទ្រនៅខេត្តព្រះសីហនុជាច្រើនកន្លែងមកហើយ ភាគច្រើនត្រូវបានគេប្រគល់ទៅឲ្យក្រុមហ៊ុនឯកជនធ្វើការអភិវឌ្ឍន៍ ដោយក្រុមហ៊ុនទាំងនោះបានចាក់ដីធ្វើរបងបិតជិតមិនឲ្យមានការចេញចូលទៅលេងកម្សាន្តដូចពេលមុនៗទៀតទេ។ ឆ្នេរទាំងនោះមានដូចជាឆ្នេរអូរឈើទាល, ឆ្នេរសុខា, ឆ្នេរប្រាំពីរជាន់, ឆ្នេរអូរត្រេះ, ឆ្នេរព្រែកត្រែងជាដើម ហើយឆ្នេរដែលនៅសេសសល់សម្រាប់ភ្ញៀវទេសចរគឺនៅមានតិចតូចបំផុត៕ ដោយ លី សុខម៉ន

បញ្ចេញមតិ

Wednesday, February 19, 2014

គន្លឹះអាថ៌កំបាំងដ៏ល្អបំផុតទាំង ៥ នៅលើ iOS 7 ដែលភាគច្រើនគ្មានអ្នកដឹង Trackback ផ្សាយក្នុងផ្នែក គន្លឹះខ្លីៗ ដោយ chhun.hour កាលពី 27 days ago 11 Comment(s)

6:47 PM

Unknown

មិនប្រាកដទេ ដែលម្ចាស់ទូរសព្ទស៊េរីខ្ពស់ៗស្គាល់មុខងារលើទូរសព្ទរបស់ខ្លួនបានគ្រប់ទាំងអស់នោះ។ នៅលើប្រព័ន្ធប្រតិបត្តិការ iOS 7 មានមុខងារអាថ៌កំបាំងមួយចំនួន ជឿថាប្រិយមិត្តខ្លះប្រហែលបានដឹង និងចេះប្រើ ហើយខ្លះក៏ពុំទាន់ដឹងនៅឡើយ។ ទំព័រនេះ Sabay សូមបង្ហាញគន្លឹះអាថ៌កំបាំងល្អបំផុតទាំង៥ មានលើ iOS7 មកបង្ហាញជូនដូចតទៅ៖
គន្លឹះ៖ តិចនិកដាក់ dock កញ្ចក់របស់ iOS 6 លើ iOS 7

១. បញ្ជា iDevice របស់អ្នកតាមសកម្មភាពក្បាល៖

អ្នកអាចគ្រប់គ្រង iPad ឬ iPhone ដោយប្រើប្រាស់កាមេរ៉ាជាអ្នកចាប់យក និងទទួលស្គាល់អំពីសកម្មភាពបំឡាស់ទីរបស់ក្បាលបាន។ ឧទាហរណ៍៖ នៅក្រោម “Switches” អ្នកអាចធ្វើទូរសព្ទរបស់អ្នកឱ្យជ្រើសរើសឃ្លាណាមួយដោយគ្រាន់តែផ្អៀងក្បាលទៅស្ដាំ។ ដើម្បីកំណត់ សូមចូលទៅ Settings -> General -> Accessibility -> Switch Control -> Switches ត្រង់នេះតម្រូវឱ្យអ្នកចុច Add New Switch … រួចមើលតាមការកំណត់ទូទៅជាភាសាអង់គ្លេស។ (ចំណាំ៖ ដើម្បីបើកមុខងារ Switch Control បានត្រូវបិទ Assistive Touch ជាមុនសិន។ ហើយបើចង់ឈប់ប្រើ disable មុខងារ Switch Control ត្រូវចុចលើប៊ូតុង Home ចំនួន ៣ដងជាប់គ្នា)។
២. កំណត់ញ័រនៅលើ iPhone តាមចំណូលចិត្ត៖

ដូចនឹងការកំណត់សំឡេងរោទ៍ដែរ អ្នកអាចកំណត់ឱ្យទូរសព្ទញ័រទៅតាមការចង់បាន។ មុខងារនេះមានចាប់ពី iOS 6.1.x ម្ល៉េះ តែប្រហែលមានប្រិយមិត្តមកដល់ពេលនេះនៅពុំទាន់ចេះប្រើនៅឡើយទេ។ ដើម្បីកំណត់ញ័រតាមចំណូលចិត្តសូមចូលទៅ Setting → Sound → Ringtone → Vibration រួចរកមើលឃ្លា Create New Vibration បន្ទាប់មកចុចចូល។ ត្រង់នេះ តម្រូវឱ្យអ្នកចុចអូស (tab) លើអេក្រង់តាមចំណូលចិត្ត (ពីលើចុះក្រោម ទៅឆ្វេងទៅស្ដាំក៏បាន) តាមចំណូលចិត្តរបស់អ្នក។
៣. កំណត់ការលុបអ៊ីមែលដោយវិធីយ៉ាងងាយគ្រាន់តែគ្រវី iPhone៖
ក្នុងប្រអប់អ៊ីមែល បើទុកច្រើនក៏មិនល្អ តែបើលុបត្រូវឱ្យមានការប្រុងប្រយ័ត្ន ខ្លាចលុបប៉ះចំអ៊ីមែលដែលសំខាន់។ នៅលើ iOS 6 និង iOS 7 អាចឱ្យអ្នក undo ការលុបអ៊ីមែលវិញបានតាមកម្មវិធី Mail app មាននៅលើនោះស្រាប់។ គេអាច undo ដោយគ្រាន់តែគ្រវី iPhone ទៅជាការស្រេច។
៤. កំណត់នៅពេល alert ឱ្យបញ្ចេញភ្លើង flash៖
ទូរសព្ទញ័រ ព្រមទាំងសំឡេងរោទ៍គឺអាចដាស់ម្ចាស់ទូរសព្ទឱ្យដឹងបាន តែបើបន្ថែមភ្លើង flash មួយមុខទៀត នោះនឹងរឹតតែងាយស្រួលឃើញប្រតិកម្មទូរសព្ទបានរហ័ស។ ចាប់តាំងពី iOS 6 មកដល់ iOS 7 នេះ អ្នកអាចកំណត់បិទ/បើក flashlight បានដោយចូលតាម Settings → General → Accessibility → LED Flash for Alerts រួច enable ជាការស្រេច។
៥. មិនខកខាន Link ដែល friend របស់អ្នក tweet ឱ្យ៖
Safari ឥឡូវអាច syncs up ជាមួយ Twitter feed របស់អ្នកបាន ហើយអាចឱ្យអ្នកឃើញរាល់ tweet នៅលើគណនីរបស់អ្នក។ នៅលើ browser នេះ ដើម្បីចូលមើលរាល់ tweet របស់អ្នក សូមចូលទៅ Bookmarks រួចចុចលើសញ្ញា @ ដូចរូប៖

រាល់ Twitter Tweet ដែលអ្នកឃើញខាងលើនេះ គឺជា Tweet ថ្មីៗបំផុតគេផ្ញើឱ្យ។
សម្រាប់គន្លឹះលំអិតលើចំណុចមួយៗ Sabay នឹងបង្ហាញជូននៅទំព័រក្រោយ។
សូមចុចអានគន្លឹះ៖ កម្មវិធីពិសេសជួយiPhone-iPad-iPod ដើរលឿនដូចថ្មីបេះបិទនិងចំណេញ space
ដោយ៖ ឈុន ហួរ

Tags: គន្លឹះខ្លីៗ, គន្លឹះខ្លីៗលើ iOS, គន្លឹះខ្លីៗលើទូរសព្ទ