ប្រទះ​ឃើញ​បុរសម្នាក់ ដេកស្លាប់​ផ្កាប់​មុខនិង​ស្នាមកាប់ ​លើ​រាងកាយ​សុស​​សាច់​ នៅ​ស្រុក​បាធាយ​​

ខេត្តកំពង់ចាម ៖ បុរសចំណាស់ម្នាក់ ត្រូវជនមិនស្គាល់មុខកាប់ ប្រហារជាច្រើនកាំបិត ដេកស្លាប់ផ្កាប់មុខនៅក្នុងវាលស្រែ ចំណុចខ្លាខាំគោ ស្ថិតក្នុងភូមិទួល ឃុំបាធាយ ស្រុកបាធាយ ដោយមិនទាន់ដឹងមូលហេតុ និងបង្កឱ្យមានការភ្ញាក់ផ្អើល កាលពីវេលាម៉ោង ១២ថ្ងៃត្រង់ ថ្ងៃទី៣១ មករា ២០១៤ ខណៈទៅឃ្វាលក្របី ។

ជនរងគ្រោះត្រូវបានគេស្គាល់ឈ្មោះ គិន ម៉ន ភេទប្រុស អាយុ៦២ឆ្នាំ ស្នាក់នៅភូមិកើតហេតុ ។

បើតាមលោកវរសេនីយ៍ត្រី សំ ណាល់ អធិការនគរបាល ស្រុក បាធាយបានឱ្យដឹងថា ក្រោយពីទទួលព័ត៌មានថាមាន ករណីឃាតកម្មកើតឡើង រូបលោកបានចាត់កម្លាំងជំនាញ សហការជាមួយនគរបាល មូលដ្ឋានចុះពិនិត្យសព ហើយសន្និដ្ឋានថា ជនរងគ្រោះត្រូវជនដៃដល់កាប់ ប្រហារក្នុងចន្លោះម៉ោង ១០ទៅ១១ព្រឹកថ្ងៃទី៣០ មករា ២០១៤ ។

មកដល់ពេលនេះ សមត្ថកិច្ចបាននិងកំពុងដុតដៃដុតជើង ស្វែងរកអត្តសញ្ញាណជនដៃ ដល់មកផ្តន្ទាទោសតាមច្បាប់ ៕

ផ្តល់សិទ្ធដោយ កោះសន្តិភាព