8:25 PM
Unknown
ប្រភព:http://news.sabay.com.kh/article/371840
មិនមែនជាយានអវកាសនោះទេ តែវាគឺជាអគារមួយរបស់ប្រទេសចិនដែលមានរូបរាងស្ទើរតែដូចគ្នាបេះបិទទៅនឹងយានអវកាស ដែលធ្លាប់បានបង្ហាញនៅក្នុងខ្សែភាពយន្ត Star Trek របស់ហូលីវូដ នាពេលកន្លងមក។
អគារនោះត្រូវបានគេដឹងថា ជារបស់ក្រុមហ៊ុន Netdragon Websoft ដែលជាក្រុមហ៊ុនហ្គេម និងផលិតកម្មវិធីទូរសព្ទរបស់ប្រទេសចិន។ យោងតាមសម្ដីរបស់ប្រធានក្រុមហ៊ុនបានឲ្យដឹងថា ការសាងសង់អគារនេះឡើងគឺទទួលបានសិទ្ធិពីក្រុមហ៊ុនប្រព័ន្ធផ្សព្វផ្សាយ CBS របស់អាមេរិករួចហើយ។ ក្រុមហ៊ុន CBS ជាម្ចាស់នៃខ្សែភាពយន្តនេះ។ អគារនេះបានចាប់ផ្ដើមសង់ពីឆ្នាំ២០០៨ ហើយបញ្ចប់ការសាងសង់នៅឆ្នាំ២០១៤។ ចំពោះគម្រោងនេះផងដែរគឺចំណាយទឹកប្រាក់សរុប១៦០លានដុល្លារ។
នេះជាអគារទីមួយហើយដែលត្រូវបានសាងសង់ដោយយកលំនាំតាមយានអវកាសនៅក្នុងខ្សែភាពយន្ត Star Trek។ ចង់ដឹងថាវាមានភាពអស្ចារ្យយ៉ាងណាទៅ ទស្សនាវីដេអូដែលថតដោយកូនយន្តហោះបញ្ជាទាំងអស់គ្នា៖
Posted in
0 comments :
Post a Comment